ڈرامہ ‘تنہائیاں’ کے اہم کردار عامر حتمی انتقال کر گئے
پاکستانی ڈراما انڈسٹری کے کامیاب ڈرامے ‘تنہائیاں’ میں کام کرنے والے معروف اداکار عامر حتمی انتقال کرگئے۔ان کے انتقال کی خبر صحافی فیفی ہارون نے سماجی رابطے کی ویب سائٹ ٹوئٹر پر شیئر کی البتہ انتقال کی وجہ اب تک سامنے نہیں آئی۔
With great regret Im announcing the sad demise of Amir Hatmi. You may remember him as Saad Salman cast opp Shehnaz Sheikh in Tanhaiyan.
Amir, a talented model, had a brief acting career. A lovely guy with more than his fair share of life's troubles.You will be missed Amir, RIP pic.twitter.com/4UKgIh2KWJ
— Fifi Haroon (@fifiharoon) January 10, 2020
فیفی ہارون کا اپنی ٹوئٹ میں کہنا تھا کہ ‘بہت دکھ کے ساتھ میں عامر حتمی کے انتقال کی خبر سب کے ساتھ شیئر کررہی ہوں، انہوں نے تنہائیاں ڈرامے میں شہناز شیخ کے مدمقابل کام کیا تھا جو سب کو یاد رہے گا۔انہوں نے مزید لکھا کہ عامر حتمی کو ہمیشہ ایک باصلاحیت ماڈل اور اداکار کے طور پر یاد رکھا جائے گا۔
یاد رہے کہ 1985 میں سامنے آنے والا کامیاب ڈراما تنہائیاں 2 بہنوں کی کہانی پر مبنی تھا جبکہ اس ڈرامے میں عامر حتمی نے سعد سلمان نامی کردار نبھایا تھا۔ ڈرامے میں عامر حتمی اور شہناز شیخ کے کردار نے مل کر گارمنٹ فیکٹری شروع کرنے کا ارادہ کیا تاکہ شہناز امیر ہوکر اپنے والد کا گھر دوبارہ خرید سکیں۔یہ ڈراما اس قدر مقبول ہوا کہ اسے پی ٹی وی سمیت کئی چیلنز پر متعدد بار نشر کیا جاچکا ہے۔
https://youtu.be/CptRjnAa5AY