عمران خان کی اہلیہ سے ملاقات نہ کرانے پر سپرنٹنڈنٹ اڈیالہ جیل عدالت طلب

اسلام آباد ہائی کورٹ نے عدالتی احکامات کے باوجود عمران خان کی بشریٰ بی بی سے ملاقات نہ کروانے پر توہین عدالت کےکیس میں سپرنٹنڈنٹ اڈیالہ جیل کو 4 مارچ کو ذاتی حیثیت میں طلب کرلیا۔

قائم مقام چیف جسٹس اسلام آباد ہائی کورٹ جسٹس سردار سرفراز ڈوگر نے تحریری حکم نامہ جاری کر دیا۔

عدالت عالیہ نے کہاکہ سپرنٹنڈنٹ اڈیالہ جیل پیش ہوکر وضاحت کریں کہ کیوں عدالتی احکامات پر عمل نہیں ہوا۔

حکم نامے میں کہاگیا ہےکہ وکیل کےمطابق عمران خان کی بشریٰ بی بی سے ملاقات نہ کروانا 28 جنوری کے عدالتی فیصلے کی خلاف ورزی ہے۔

اسلام آباد ہائی کورٹ نے سپرنٹنڈنٹ اڈیالہ جیل ذاتی حیثیت میں پیش ہوکر جواب جمع کرانے کی ہدایت کرتےہوئے کیس کی مزید سماعت 4 مارچ تک ملتوی کر دی۔

حکومت پنجاب کا دیہی خواتین کےلیے خصوصی بسیں چلانے کا فیصلہ

واضح رہے کہ عمران خان نے بشریٰ بی بی سے ملاقات نہ کرنے پر سپرنٹنڈنٹ اڈیالہ جیل کے خلاف ایڈووکیٹ فیصل فرید چوہدری کے ذریعے عدالت سے رجوع کر رکھا ہے۔