اسلام آباد ہائی کورٹ : عمران خان کی درخواست پر اڈیالہ جیل حکام ذاتی حیثیت میں طلب

اسلام آباد ہائی کورٹ نے عمران خان کی درخواست پر اڈیالہ جیل حکام کو ذاتی حیثیت میں طلب کرلیا۔

اسلام آباد ہائی کورٹ کے چیف جسٹس عامر فاروق نے عمران خان کی اخبار،ٹی وی کی سہولت بحالی،بیٹوں سے ٹیلی فونک گفتگو اور ذاتی معالج سے چیک اپ کےلیے دائر کردہ درخواست پر سماعت کی۔

عمران خان کے وکیل فیصل چوہدری عدالت میں پیش ہوئے اور مؤقف اپنایاکہ متفرق درخواست فائل کی ہے،ہفتہ وار بیٹوں سے بات کرائی جائے،اخبارات فراہم کیے جائیں اور ذاتی معالج کی اجازت دی جائے۔

وکیل فیصل چوہدری نے استدلال کیاکہ ٹرائل کورٹ نے ذاتی معالج سے متعلق کچھ نہیں لکھا،10 جنوری 2025 کا آرڈر چیلنج کیاہے۔

عمران کو قید کی سزا ملنے کے بعد یوتھیے سڑکوں پر کیوں نہیں نکلے  ؟

سماعت کےدوران عدالت نے فریقین کو جواب کےلیے نوٹس جاری کردیے، عدالت نے ہدایت کی کہ جیل نمائندہ آئندہ سماعت پر ذاتی حیثیت میں پیش ہو،اس کے ساتھ عدالت نے سماعت 23 جنوری تک ملتوی کردی۔