اسرائیل کا جنوبی دمشق پر فضائی حملہ
اسرائیل نے دمشق کے جنوب میں 2 فوجی ٹھکانوں پر فضائی حملہ کردیا ہے۔ اسرائیلی وزیر دفاع کی شام پر حملے کی تصدیق۔
اسرائیلی جنگی طیاروں نے منگل کی شب شام کے دارالحکومت دمشق کے جنوب میں واقع ایک قصبے اور جنوبی صوبے درعا کو نشانہ بنایا۔
غیر ملکی خبر ایجنسی کے مطابق اسرائیلی فوج نے اپنے بیان میں کہاکہ اس نے جنوبی شام میں فوجی اہداف پر حملہ کیاجس میں ہیڈکوارٹر اور دیگر مقامات شامل ہیں جن کے پاس ان کےبقول ہتھیار موجود تھے۔
دوسری جانب اسرائیلی وزیر دفاع نے شام پر حملے کی تصدیق کرتے ہوئے کہاکہ جنوبی شام کو جنوبی لبنان نہیں بننےدیں گے۔
اقوام متحدہ میں یوکرین سے متعلق ترمیمی قرارداد منظور
قبل ازیں اسرائیلی وزیراعظم نیتن یاہو نے اتوار کے روز کہا تھاکہ اسرائیل جنوبی شام میں ایچ ٹی ایس کی موجودگی کو برداشت نہیں کرےگا۔
