جس تھالی میں کھانا اسی میں چھید کرنا عمران خان کا وطیرہ ہے: عظمیٰ بخاری

وزیر اطلاعات پنجاب عظمیٰ بخاری کا کہنا ہے کہ جس تھالی میں کھانا اسی میں چھید کرنا عمران خان کا وطیرہ ہے۔

وزیر اطلاعات پنجاب عظمی بخاری نے ایک بیان میں کہنا تھاکہ عمران خان نواز شریف اور مریم نواز کے بغض میں یہاں پہنچےہیں۔

عمران خان کا وطیرہ ہے جس تھالی میں کھانا اسی میں چھید کرنا۔ مریم نواز پر کوئی کرپشن کاکیس نہیں تھا۔مریم نواز کبھی پبلک آفس ہولڈر نہیں رہیں پھر بھی ان کو کوچ اور اس کےچیلے نے انتقامی کارروائیوں کا نشانہ بنایا۔

عظمی بخاری کاکہنا تھاکہ بشری بی بی قیمتی نکلس چوری کرنے اور 190 ملین پاؤنڈ کے ڈاکے میں ملوث ہیں۔

بشری بی بی نے ابھی پنجاب میں کی لوٹ مار کا حساب دینا ہے۔پانچ سال نواز شریف اور مریم نواز سے رسیدیں مانگنےوالے کے پاس اپنی رسیدیں نہیں۔بشری بی بی پر توشہ خانہ کے تحائف فروخت کرنےکی جعلی رسیدوں کا بھی کیس زیرالتواء ہے۔

بیرسٹر گوہر کا 9 مئی کے واقعات پر کمیشن بنانے کا مطالبہ

کرپشن کرپشن کا راگ الاپنےوالے کا اپنا پورا ٹبر چوری اور ڈاکوں میں ملوث نکلا۔چیلہ اتنا بڑا بدبخت ہےاس نے برا وقت دیکھتےہی کوچ سے بھی اظہار لاتعلقی کردیا۔مرشد مزے میں ہے کوچ اور چیلہ کٹہرےمیں ہیں۔