’’پٹھان‘‘ ویڈیو سٹریمنگ پلیٹ فارم پر دھوم مچانے کے لیے تیار

سینما سکرینوں پر حکمرانی کے سکے جمانے کے بعد بالی ووڈ کنگ شاہ رخ خان کی فلم ’’پٹھان‘‘ کو جلد ہی ویڈیو سٹریمنگ پلیٹ فارم کی زینت بنایا جائے گا، دلچسپ بات یہ ہے کہ سینما کیلئے ریلیز کی جانے والی فلم میں کٹ کیے گئے کئی ڈائیلاگز کو فلم بینوں کو آن لائن پلیٹ فارم پر سننے کا موقع ملے گا۔
ہندوستان ٹائمز کے مطابق شاہ رخ خان اور دپیکا پڈوکون کی فلم پٹھان 22 مارچ کو ایمیزون پرائم پر ریلیز ہوگی، فلم کے ہدایتکار سدھارتھ آنند نے اس بات کا عندیہ دیا ہے کہ آن لائن ریلیز ہونے والی فلم میں وہ سین بھی شامل کیے جائیں گے جو سینما میں نمائش کے دوران کاٹ دیئے گئے تھے۔
پٹھان کی ایمیزون پرائم پر ریلیز میں مداحوں کو بونس سِین بھی دیکھنے کو ملیں گے، انٹرویو کے دوران سدھارتھ آنند نے عندیہ دیا کہ مرکزی کرداروں کے پس منظر اور مذاہب کے سین کو بھی آن لائن ریلیز میں شامل کیا جا سکتا ہے۔
وہ کہتے ہیں کہ ’جیسے ایک سِین ہے جس میں روبینہ (دپیکا پاڈوکون) پٹھان (شاہ رخ خان) سے پوچھتی ہیں کہ کیا تم مسلمان ہو؟ جس پر وہ اسے بتاتا ہے کہ میں نے افغانستان کے گاؤں میں بچوں کی جان بچائی تھی جس کے بعد مجھے یہ نام دیا گیا ہے۔
گلاٹا پلس سے بات کرتے ہوئے سدھارتھ آنند کہتے ہیں ’لہذا سچ بات یہ ہے کہ اُس (پٹھان) کا کوئی نام نہیں ہے اور وہ ایک تھیٹر میں ملا تھا جسے نورانگ کہا جاتا ہے۔ اسے فلم سے ایڈٹ کر دیا گیا تھا لیکن شاید آپ اسے او ٹی ٹی میں دیکھ سکیں۔
ہدایتکار نے یہ انکشاف کیا انہوں نے سلمان خان کو پٹھان فلم میں ٹرین کے سِین کے دوران 1995 میں ریلیز ہونے والی فلم ’کرن ارجن‘ کے سِین کو دہرانے کا کہا۔
وہ کہتے ہیں کہ ’میں سلمان سے کہا کہ تم چِلاؤ ’بھاگ پٹھان بھاگ‘ اور یہ بھی کہا کہ ایسے کہو جیسے کرن ارجن میں کہا تھا ’بھاگ ارجن بھاگ‘۔ یہ سکرپٹ کا حصہ نہیں تھا، یہ مزاحیہ سِین تھا جس پر مجھے سلمان کو منانا پڑا۔ بہت مزہ آیا۔
دوسری جانب پٹھان کی باکس آفس پر تاریخی دھوم جاری ہے۔فلم نے جمعے کے روز تک انڈیا بھر سے اب تک مجموعی طور پر 540 کروڑ روپے کما لیے ہیں، واضح رہے فلم کی کاسٹ میں شاہ رخ خان، دپیکا پڈوکون کے علاوہ جان ابراہم نے بھی مرکزی کردار ادا کیا ہے۔

نواز شریف اور عمران خان کے درمیان ڈائیلاگ کیوں نہیں ہو سکتا؟

Related Articles

Back to top button