ن لیگ سے دوستیاں پرانی، جہاز کسی بھی طرف جا سکتا ہے
پی ٹی آئی کے منحرف رہنما جہانگیر ترین نے کہا کہ جہاز تو کسی بھی طرف جا سکتا ہے، مسلم لیگ ن سے دوستیاں پرانی ہیں، ایسے ہی چلیں گی۔
جہانگیر ترین نے ن لیگ کے سینئر رہنما خواجہ آصف کی بیٹی کی شادی میں شرکت کے موقع پر صحافیوں کے سوال کہ کیا جہانگیر ترین کا جہاز کبھی ن لیگ کی طرف جا سکتا ہے؟ کے جواب میں کہا کہ جہاز تو کسی بھی طرف جا سکتا ہے۔
انھوں نے کہا کہ خواجہ سعد رفیق میرے بھائی ہیں اور اکٹھے فیملی میں رہ چکے ہیں، جہانگیر ترین مسلم لیگ ن میں شمولیت کے سوال پر مسکراتے رہے، اس کے بعد ایاز صادق نے ازراہ مذاق خود ہی جواب میں کہا کہ جہانگیر ترین ہوں یا کوئی اور پی ٹی آئی کا رہنما عمران خان کے سوا سب ہی مسکرا رہے ہیں۔
ٹیکس نادہندگان تک پہنچ چکے ہیں، بس سوئچ آن کرنا ہے
جہانگیر ترین سے ایک اور صحافی نے سوالیہ انداز میں کہا کہ جہانگیر ترین شادی کی تقریب میں دولہا لگ رہے ہیں، جس پر ترین گروپ کے رہنما راجا ریاض نے کہا میں جہانگیر ترین کو دولہا لگنے پر مبارک باد دیتا ہوں۔
