مکڑی نے چمکادڑ کو جال میں پھنسا کر شکار کرلیا
اگرچہ مکڑیاں چھوٹے حشرات کو رغبت سے کھاتی ہیں لیکن ایک مکڑی کو جال میں پھنسی چمکادڑ کے گوشے کھانے کی تصاویر جاری ہوئی ہیں۔ ان تصاویر کو دیکھ کر جھرجھری طاری ہوجاتی ہے۔
یہ واقعہ کوئنزلینڈ کے دوردراز گاؤں میں پیش آیا ہے جہاں گولڈن اورب اسپائیڈر کے جالے میں چمکادڑ کا ایک چھوٹا بچہ پھنس گیا تھا۔ مکڑی نہ صرف اس کے قریب آئی بلکہ وہ اسے کھانے بھی لگی۔
چمکادڑوں کے ماہر کا خیال ہے کہ اپنی سونار خاصیت کی بنا پر عموماً چمکادڑیں جالے میں نہیں پھنستی تاہم یہ چھوٹا بچہ غلطی سے الجھ کر بے بس ہوگیا۔
ماہرین کا خیال ہے کہ اس قسم کی مکڑی بڑے جانوروں کے دھڑ کے اندرونی کچھ حصے کھاتی ہیں اور ہاتھ پیروں میں کوئی دلچسپی نہیں رکھتیں۔
