ٹائٹینک کے کلرک کی گھڑی 98 ہزار پائونڈ میں فروخت

معروف بحری جہاز ٹائٹینک کے غرق ہونے کے 110 سال بعد اس میں سفرکرنے والے ایک کلرک کی پاکٹ گھڑی 98 ہزار پاؤنڈز( دوکروڑ 61لاکھ 34 ہزار روپے)میں فروخت کر دی گئی۔

عالمی میڈیا رپورٹس کے مطابق بحری جہاز ٹائٹینک جب 14 اپریل 1912 میں بحر اوقیانوس میں غرق ہوا تو کلرک آسکر اسکاٹ ووڈی کی گھڑی پانی میں ڈوب کر جم گئی تھی۔ گھڑی سمندر سے برآمد ہونے کے کچھ عرصے بعد اسے آسکر کی اہلیہ کو دے دیا گیا تھا۔

رپورٹس کے مطابق ٹائٹینک سے برآمد ہونے والی گھڑی کوبرطانیہ کے ایک نیلام گھر کے ذریعے 98 ہزارپاؤنڈز ( دوکروڑ 61لاکھ 34 ہزار روپے) میں فروخت کردیا گیا۔

رپورٹس میں بتایا گیا کہ ٹائٹینک کی دیگراشیا میں فرسٹ کلاس کا مینیو 50 ہزار پاؤنڈز (ایک کروڑ33 لاکھ 33ہزار674 روپے) اورجہاز میں سفرکرنے والے امیرمسافروں کی فہرست 41 ہزار پاؤنڈز(ایک کروڑ 9 لاکھ 32 ہزار 643 روپے) میں فروخت کی گئی۔

Related Articles

Back to top button