قطر میں فٹبال ورلڈ کپ اور انٹنیوں کا مقابلہ حسن ساتھ ساتھ

عرب ملک  قطر میں اس وقت  فٹ بال  مقابلے جاری ہیں مگراس کے ساتھ  خوبصورت اونٹنیوں کےمقابلہ حسن کا بھی انعقاد کیا گیا ہے

عالمی میڈیا رپورٹس کے مطابق  مقابلہ حسن  میں ان کے قد، آنکھوں اور چہرے کی خوبصورتی کو بھی مدِ نظر رکھا گیا تھا،اس مقابلے میں نازاں نامی اونٹنی کو اس کے لمبی پلکوں، چال، حسن اور وقار کی بنا پر اول انعام دیا گیا جسے قطر کے مزائن کلب نے اس جمعہ کو منعقد کیا تھا۔

رپورٹس کے مطابق یہ مقابلہ دنیا کو قطر کی تہذیب اور ثقافت سے روشناس کرنے لیے رکھا گیا تھا جس میں وزارتِ کھیل کا اشتراک بھی شامل تھا، تقریب میں الکواری خاندان کے اونٹ کو پہلا انعام دیا گیا۔ کل 15 اونٹوں میں سے ایک نازاں اونٹنی شامل تھی جسے گلوبند سے سجایا گیا تھا۔

میڈیا رپورٹس کے مطابق افریقہ اور مشرقِ وسطیٰ میں اونٹوں کے مقابلہ حسن تواتر سے ہوتے رہتے ہیں اور نسل در نسل یہ سلسلہ جاری ہے۔ ان مقابلوں کو دیکھنے کے لیے سیاح بھی آتے ہیں جبکہ مقابلے میں شریک افراد کو ایئرکنڈیشنڈ خیموں میں بٹھایا گیا تھا۔ ڈاکٹروں کی ایک ٹیم جانوروں میں بوٹوکس یا ادویہ کے استعمال کو بھی چیک کرتے ہیں کیونکہ ان کا استعمال بالکل ممنوع ہے۔نازاں کو 55 ہزار ڈالر کی رقم انعام کے طور پر دی گئی جبکہ دودھ دینے والی اونٹنی کے مقابلے میں پہلا انعام 15 ہزار قطری ریال رکھا گیا تھا۔

Related Articles

Back to top button