پُرتعیش زندگی گزانے والا برطانوی بچہ

اس دور میں پُرتعیش زندگی گزانے والے لوگوں کی تعداد بہت ہی کم ہے تاہم برطانیہ کے شہر ایڈنبرا میں ایک بچہ اس وقت پرتعیش زندگی گزاررہا ہے جو ماں کی جانب سے دی گئی سونے کی چُسنی استعمال کرتا ہے، گوشی اور دیگر برانڈ کے کپڑے پہنتا ہے جبکہ اس کی والدہ اسے دودھ اور شہد میں نہلاتی ہیں۔

میڈیا رپورٹس کے مطابق اس بچے کا نام جریم اکرم ہے جس کی والدہ قیصے اکرم اس سال کرسمس پر انہیں 100 مختلف تحفے دینے کا ارادہ رکھتی ہیں جن میں سے کئی تحفے جریم کو دیئے جاچکے ہیں۔ قیصے کے مطابق وہ اپنے بچے کو ایک شاندار زندگی دینا چاہتی ہیں خواہ اس کی کتنی ہی قیمت ادا کیوں نہ کرنی پڑے ۔ تاہم ناقدین نے ان کے اقدامات پر تنقید کی ہے۔

رپورٹس کے مطابق چند ماہ قبل انہوں نے بچے کے لیے ڈیزائنر چُسنی بنوائی جو ٹھوس سونے پر مشتمل تھی اور ایک ہزار پونڈ سے زائد کی لاگت آئی تھی۔ حیرت انگیز طور پر یہ بچہ پہلے دودھ اور شہد سے نہاتا ہے اور اس کے بعد پانی سے نہلا کر تیار کرتی ہیں۔

میڈیا رپورٹس کے مطابق بچے کی 33 سالہ والدہ نے اس کے لیے  پوری دنیا کی نعمتوں کا ڈھیر لگادیا ہے اور اس سال کرسمس پر 2500 برطانوی پاؤنڈ کے تحفے جریم کو دیں گی جن کی آمد شروع ہوگئی ہے اور ایک ہی دن سارے تحفے کھولے جائیں گے۔ اس سال جریم اپنے والدین کے ساتھ کینری جزائر کی سیر کرے گا اور لگژری ٹرین میں طویل فاصلہ بھی طے کرے گا۔

رپورٹس کے مطابقاس سال گھر میں کرسمس کا قیمتی سات فٹ طویل درخت بھی لگایا جائے گا۔ حال ہی میں بچے کےلیے بربری کے قیمتی ٹریک سوٹ خریدے گئے ہیں۔ جن کی قیمت سینکڑوں پاؤنڈ میں ادا کی گئی ہے۔ اس کے دیگر قیمتی کھلونوں میں سونے کی کلائی زنجیر، روبوٹ بلی اور ڈائنوسار بھی شامل ہیں۔

Related Articles

Back to top button