حکومت کا نیشنل کمانڈ اینڈ آپریشن سینٹر کو بند کرنے کا فیصلہ
حکومت نے کرونا کے حوالے سے قائم کردہ نیشنل کمانڈ اینڈ آپریشن سینٹرکو بند کرنے کا فیصلہ کرلیا ہے۔
وزیراعظم کے معاون خصوصی برائے صحت ڈاکٹر فیصل سلطان نے بتایا کہ وزیراعظم کی جانب سے اس مہینے کے آخر میں این سی او سی کے خاتمے کا باقاعدہ اعلان متوقع ہے۔
ڈاکٹر فیصل سلطان نے کہا کہ وزیراعظم عمران خان متوقع طور پر یادگار کا افتتاح اور این سی او سی کے باقاعدہ خاتمے کا اعلان کریں گے ، کرونا سے کامیابی کے ساتھ نمٹنے پر اسلام آباد میں شکرپڑیاں کے مقام پر یادگار تعمیر کی جا رہی ہے۔
دوسری جانب وفاقی وزارت صحت کے حکام کا کہنا ہے کہ این سی او سی کے باقاعدہ اختتام کا اعلان کورونا کی پانچویں لہر کے باعث ملتوی کیا گیا، رواں سال 27 مارچ کو این سی او سی کے قیام کو دو سال مکمل ہو جائیں گے ۔
ق لیگ کسی کشمکش کا شکار نہیں
یاد رہے کہ این سی او سی کا قیام پاکستان میں عالمی وبا کرونا کے سامنے آنے کے بعد عمل میں آیا جس کی سربراہی وفاقی وزیر برائے منصوبہ بندی اسد عمر کے پاس ہے۔
