آئی ایم ایف کا پاکستان سے ڈو مور کا مطالبہ

پاکستان کو صرف ٹیکس سے متعلق اقدامات تک محدود نہیں رہنا چاہئے بلکہ اسے معیشت کی مسابقت بڑھانے کے لیے دیگر طریقے بھی تلاش کرنے چاہئیں، یہ بات آئی ایم ایف کی ریذیڈنٹ نمائندہ ایستھر پیریز روئیز نے لاہور چیمبر آف کامرس اینڈ انڈسٹری کے عہدیداروں سے بات کرتے ہوئے کہی۔

ریذیڈنٹ نمائندہ نے کہا کہ آئی ایم ایف پروگرام کا مقصد میکرو اکنامک استحکام کو فروغ دینا اور ملک کی مالیاتی اور معاشی پالیسیوں کو اس سلسلے میں اس کے وژن کو فروغ دینا چاہئے، نمائندہ آئی ایم ایف نے کہا کہ آئی ایم ایف پروگرام کا مقصد پالیسیوں کا ایک سلسلہ لانا ہے جو پائیدار اور جامع ترقی کو فروغ دے سکے۔

ایستھر پیریز روئیز نے کہا کہ چونکہ ملک کی مجموعی ملکی پیداوار (جی ڈی پی) میں ٹیکس کی شرح کا تناسب بہت کم ہے، اس لیے حالیہ فنانس بل کے ذریعے انڈسٹری کو سیلز ٹیکس کی چھوٹ ختم کرنے کا مقصد ٹیکس کے نظام میں پیچیدگیوں کو کم کرنا ہے۔

اپوزیشن کی سیاست 50 دن کی رہ گئی

ان کا کہنا تھا کہ ہم چاہتے ہیں کہ پاکستان دیرپا اور پائیدار ترقی حاصل کرے اور اس کے لیے سب سے پہلے میکرو اکنامک پالیسیوں کو لاگو کرنے کی کوشش کرنے کی ضرورت ہے، جس سے ملک کی معاشی ترقی ہو، آئی ایم ایف نمائندہ نے کہا کہ تاہم ہم آپ کی جانب سے (آئی ایم ایف پروگرام پر) ریمارکس، مشاہدات اور خدشات سننے کے لیے تیار رہیں گے۔

اس موقع پر لاہور چیمبر کے صدر میاں نعمان کبیر نے کہا کہ چیمبر پاکستان کے جاری 22ویں آئی ایم ایف پروگرام کے قومی معیشت اور خاص طور پر نجی شعبے کی ترقی پر اثرات کے حوالے سے کافی حساس ہے تاہم ہم 21ویں پروگرام کی طرح اس پروگرام کی کامیاب تکمیل کا مشاہدہ کریں گے، آئی ایم ایف ٹیم کے ساتھ بات چیت میں آئی ایم ایف کی پالیسیوں کو بہتر طور پر سمجھنے کا موقع ملا اور دیگر ممالک کی جانب سے اپنائے جانے والے اس طرح کے پروگرامز سے متعلق اہم کامیابی کی کہانیوں کے بارے میں بھی جانا۔