کے پی کے بلدیاتی انتخابات ملتوی کرنے کی درخواستیں مسترد

عدالت عظمٰی نے خیبرپختونخواہ کے بلدیاتی انتخابات کو ملتوی کروانے کی درخواستیں مسترد کرتے ہوئے تمام متعلقہ افراد کو الیکشن کمیشن بھجوا دیا ہے، عدالت عظمٰی میں خیبرپختونخواہ میں بلدیاتی انتخابات کا دوسرا مرحلہ ملتوی کرنے کی درخواستوں کی سماعت ہوئی، وکیل الیکشن کمیشن نے بتایا کہ صوبائی حکومت نے 25 مارچ کی تاریخ خود دی تھی۔

عدالت نے تمام درخواست گزاروں کو الیکشن کمیشن بھجواتے ہوئے کہا کہ الیکشن کمیشن کل ہی تمام درخواست گزاروں کو سن کر فیصلہ کرے۔دوران سماعت خیبرپختونخوا حکومت نے 31 مارچ کو دوسرے مرحلے کیلئے پولنگ کی مخالفت کر دی، ایڈووکیٹ جنرل کے پی کے نے کہا کہ نئے شیڈول پر ہم سے مشاورت نہیں کی گئی۔

لاپتہ افراد کیس:جبری گمشدگی کمیشن کو رپورٹ پیش کرنے کا حکم

سپریم کورٹ نے الیکشن کمیشن کو نئے شیڈول پر انتخابات سے روکنے کی استدعا مسترد کرتے ہوئے کیس الیکشن کمیشن کو بھجوا دیا اور کل ہی سماعت کر کے فیصلہ کرنے کی ہدایت کی۔ جسٹس اعجاز الاحسن نے کہا کہ خیبرپختونخواہ حکومت پہلے بلدیاتی انتخابات پر رضامندی دے کر اب رکوا رہی ہے، اب صوبائی حکومت کہہ رہی ہے عید سے پہلے، پھر کہیں گے عید کے بعد اور پھر بڑی عید کے بعد، الیکشن شیڈول معطل کر کے غلط مثال قائم نہیں کرینگے، شیڈیول کا فیصلہ سپریم کورٹ نے کرنا ہے تو کیا الیکشن کمیشن کو بند کر دیں؟

انتخابی شیڈول کا اجراء اور انتخابات کروانا الیکشن کمیشن کا کام ہے، کے پی حکومت خود شیڈول دیکر بھاگ رہی ہے، الیکشن کے معاملات میں سپریم کورٹ کیوں مداخلت کرے؟ ابھی کہتے ہیں رمضان کے بعد الیکشن کروا دیں، رمضان کے بعد کہیں گے عید آ گئی ہے، پھر بڑی عید کا کہہ دینگے، بڑی عید کے بعد محرم آ جائے گا، اس طرح تو الیکشن ہوگا ہے نہیں، ذاتی مفادات کیلئے اداروں پر عدم اعتماد نہ کریں۔