نادیہ خان بلاول بھٹو کو اپنا داماد بنانے پر تیار ہو گئیں
معروف اداکارہ اور ٹی وی میزبان نادیہ خان نے سیاست میں آنے کی خواہش کا اظہار کرتے ہوئے کہا ہے کہ وہ بلاول بھٹو کو اپنا داماد بنانے کے لیے بھی تیار ہیں۔ نادیہ خان نے کہا وہ پاکستانی خواتین سیاستدانوں کی کارکردگی سے سخت مایوس ہیں اور سمجھتی ہیں کہ معاملات ٹھیک کرنے کے لئے انہیں خود سیاست میں آنا پڑے گا۔
نادیہ خان نے یہ باتیں جیو نیوز کے پروگرام ’جشن کرکٹ‘ میں کیں جہاں انہوں نے مختلف سوالوں کے جوابات بھی دیے۔ نادیہ نے کہا کہ عمران خان نواز شریف سے اچھے لیڈر ہیں اور لوگوں کی آخری امید ہیں، تاہم انہوں نے یہ بھی کہا کہ خان صاحب اب عوام کو گھبرانے کی اجازت دے دیں۔
ایک سوال کے جواب میں نادیہ خان نے کہا کہ مریم نواز اچھا میک اپ اور فیشن کرتی ہیں جب کہ ان کے فیشن سے متعلق مہنگے فیشن کی باتیں درست نہیں۔انہوں نے اپنے مداحوں کو کہا کہ وہ اطمینان رکھیں کہ وہ شرمیلا فاروقی کو ہرجانے کے پانچ کروڑ ادا نہیں کریں گی بلکہ ان سے پچاس کروڑ روپے وصول کریں گی۔
صوبائی وزیر شاہ محمد کی نااہلی کا فیصلہ معطل
اس دوران نادیہ خان سے سوال کیا کہ کیا وہ بلاول بھٹو کو اپنا داماد بنانا چاہیں گی؟ اس پر انہوں نے پہلے حیرانگی کا اظہار کیا لیکن پھر مسکراتے ہوئے جواب دیا کہ ’کیوں نہیں؟ میں ایسا کرنے کے لئے تیار ہوں۔
پروگرام کے دوران نادیہ خان نے ایک سوال کا جواب دیتے ہوئے کہا کہ وہ سیاست میں آنے سے متعلق سوچ رہی ہیں۔
انہوں نے وضاحت کی کہ چوں کہ باقی تمام خواتین سیاستدان اچھا کام نہیں کر رہیں، اس لیے انہیں سیاست میں آنے کی ضرورت ہے۔
نادیہ نے کہا کہ پاکستان میں اچھی اچھی خواتین سیاستدان ہیں مگر وہ کام نہیں کر رہیں۔ انہوں نے سیاست میں انٹری کا عندیہ دیتے ہوئے کہا کہ انہوں نے ابھی کسی سیاسی جماعت میں شامل ہونے کا نہیں سوچا مگر وہ سیاست میں آنے کا سوچ رہی ہیں۔
