پی ڈی ایم کا سربراہی اجلاس 25 جنوری کو طلب

پی ڈی ایم ایک مرتبہ پھر سے متحرک ہوگئی، اسلام آباد میں تحریک کے دو اہم رہنماؤں مولانا فضل الرحمان اور شہباز شریف کی ملاقات مختلف آپشنز پر غور کیا گیا۔

اس حوالے سے پریس کانفرنس کرتے ہوئے شہباز شریف نے کہا کہ پاکستان کی 74 سالہ تاریخ میں اس سے زیادہ نا اہل حکومت نہیں دیکھی، وقت آ گیا کہ حکومت سے چھٹکارہ حاصل کرنے کیلئے ہر آئینی، قانونی راستہ اختیار کیا جائے۔

قائد حزب اختلاف نے بتایا کہ پی ڈی ایم کے 25 جنوری کو ہونے والے سربراہی اجلاس میں حکومت کیخلاف تحریک عدم اعتماد لانے سمیت تمام آپشنز زیرغور آئے ہیں۔

جے یو آئی کے سربراہ مولانا فضل الرحمان نے کہا کہ 23 مارچ کو ہونے والا مہنگائی مارچ انقلابی قدم ہوگا، حکومت کے اتحادیوں سے بھی اپیل ہے کہ وہ بھی سوچیں کہ یہ حکومت کیا کر رہی ہے۔

لاپتہ افراد کیس، لاہور ہائیکورٹ کا دونوں بھائیوں کو پیش کرنے کا حکم

فضل الرحمن کے مطابق ہم عمران خان کو یہ حق نہیں دے سکتے کہ ہمارے ملک کو غیر ملکی اداروں کے رحم و کرم پر چھوڑے، خیبر پختونخوا میں بلدیاتی انتخابات کے دوسرے مرحلے میں مرضی کے نتائج کیلئے نئے لوگوں کو ایمرجنسی میں تعینات کیا جا رہا ہے۔