ایم کیو ایم کی حلقہ بندیوں کیخلاف سندھ ہائیکورٹ میں درخواست دائر

متحدہ قومی موومنٹ پاکستان نے سندھ ہائیکورٹ میں حلقہ بندیوں کے خلاف آئینی درخواست دائر کر دی ہے۔
متحدہ رہنما خالد مقبول صدیقی کی جانب سے سندھ ہائیکورٹ میں دائر کی گئی درخواست میں موقف اپنایا گیا کہ پیپلزپارٹی نے بلدیاتی حلقہ بندیاں تعصب کی بنیاد پر کی ہیں۔

سندھ حکومت نے غیرقانونی ٹاؤن بنائے ہیں، عدالت سے استدعا ہے کہ بلدیاتی حلقہ بندیوں کو غیر قانونی قرا دے کر کالعدم قرار دیا جائے۔ کنونیئر خالد مقبول صدیقی نے میڈیا سے گفتگو کرتے ہوئے کہا کہ دباؤ کی وجہ سے بلدیاتی انتخابات نہیں کروائے گئے، پیپلزپارٹی کو سلام ہے جس نے اپنی تاریخ کو تبدیل ہی نہیں کیا، اپنے جاگیرداری نظام کو تحفظ اور متعصبانہ بنیاد پر حلقہ بنیادیاں کی گئیں۔

بلال یاسین حملہ کیس کے 2 ملزموں کی عبوری ضمانت منظور

اللہ کا شکر ہے پیپلز پارٹی کے سامنے ایم کیو ایم جیسی جماعت کا مقابلہ ہے، سندھ کو لسانی بنیاد پر دو حصوں میں تقسیم کیا گیا، ہم بڑی محبت سے وزیراعظم سے کہتے آپ کی جماعت سب سے بڑی اسٹیک ہولڈر ہے، آج ہم مجبور ہوکر یہاں جمہوریت بچانے کے لیے آئے ہیں۔