وزیراعظم کا 2 لاکھ 38 ہزار شکایات دوبارہ کھولنے کا حکم
وزیر اعظم عمران خان نے وفاقی اداروں کی گذشتہ برس کی حل شدہ 15 لاکھ شکایات میں سے دو لاکھ 38 ہزار شکایات کو دوبارہ کھولنے کا حکم دیا ہے۔
سنیچر کو وزیراعظم آفس سے جاری بیان کے مطابق تمام شکایات میونسپل سروسز، بجلی و گیس، مواصلات اور شعبہ تعلیم سے منسلک ہیں۔وفاقی اداروں کی کل ایک لاکھ سات ہزار شکایات کھولی جائیں گی اور شکایات کو نظر ثانی کے لیے اعلی افسران کے حوالے کیا جائے گا۔
کرونا نے مزید 41 افراد کی جان لے لی، 206 نئے مریض
وزیراعظم آفس کے مطابق صوبائی سطح پر 80 ہزار شکایات حکومت پنجاب کے ماتحت اداروں کی ہیں جبکہ صوبہ سندھ کی 15 ہزار، بلوچستان کی تین ہزار، پاکستان کے زیرانتظام کشمیر کی 11 سو شکایات کی نظر ثانی ہو گی اور گلگت بلتستان میں 400 شکایات کو دوبارہ کھولا جائے گا۔
صوبائی سطح پر نظر ثانی کی نگرانی متعلقہ چیف سیکریٹری اور آئی جی کریں گے جس کے بعد اعلیٰ افسران رپورٹ جمع کروائیں گے۔
