شادی بچانے کیلئے رونے والی راکھی کا اچانک علیحدگی کا اعلان
اسلام قبول کرنے اور مسلمان اداکار عادل سے شادی رچانے کے بعد اس کو برقرار رکھنے کے لیے آنسو بہانے والی اداکارہ راکھی ساونت نے اچانک اپنے شوہر پر الزامات کی بوچھاڑ کرتے ہوئے علیحدگی کا اعلان کر دیا ہے جبکہ پولیس سٹیشن میں رپورٹ درج کروا کر گرفتار بھی کروا دیا ہے۔
گزشتہ ماہ راکھی نے عادل خان کے ساتھ نکاح کی تصاویر اور ویڈیوز شیئر کرتے ہوئے اپنی شادی کا اعلان کیا تھا، ساتھ ہی راکھی کی جانب سے کلمہ پڑھ کر مسلمان ہونے کی ویڈیوبھی شیئر کی گئی تھی۔تاہم والدہ کے انتقال کے بعد گزشتہ دنوں راکھی ساونت جم کے باہر صحافیوں سے گفتگو کے دوران شوہر عادل کے کسی اور لڑکی سے تعلق کا انکشاف کرتے ہوئے روپڑیں، راکھی نے عادل درانی سے متعلق میڈیا کو بتایا کہ عادل جھوٹ کا پتلا ہے، عادل نے میرے سامنے قرآن پاک پر ہاتھ رکھ کر کہا کہ وہ اس لڑکی کو بلاک کردے گا لیکن اس نے ایسا نہیں کیا جس کی وجہ سے وہ لڑکی ابھی بھی عادل کو بلیک میل کررہی ہے، میں عادل کو ابھی بھی میڈیا میں لائی تھی اب میں ہی آپ سب کے پیر پڑتی ہوں اسے اسٹار نہ بناؤ۔
بھارتی میڈیا کے مطابق راکھی نے کہا کہ عادل نے اپنی مبینہ گرل فرینڈ تنو کی وجہ سے مجھ سے علیحدگی اختیار کر لی ہے، عادل نے آخر کا فیصلہ کرلیا ہے کہ وہ تنو کے ساتھ رہے گا، کل اس نے مجھے بول دیا کہ میں تمہیں چھوڑ کر تنو کے پاس جا رہا ہوں ،میں اب اس کے ساتھ رہوں گا۔راکھی ساونت نے کہا کہ عادل مجھے چھوڑ کر چلا گیا ہے اب میں میڈیا کے ساتھ سب کچھ شیئر کروں گی، اداکارہ نے عادل پر اپنی ماں کی موت کا الزام بھی لگایا اور کہا کہ اگر انہیں بروقت طبی امداد دی جاتی تو وہ آج زندہ ہوتیں۔
راکھی نے عادل پر الزام لگایا کہ میری ماں ہسپتال میں دم توڑ رہی تھی، عادل کے بینک اکاؤنٹ میں پیسے ہونے کے باوجود اس نے مجھے پیسے نہیں دیئے، میری ماں عادل خان درانی کی وجہ سے مرگئی، انہوں نے کہا کہ بالی وڈ میں نام بنانے کے لیے عادل نے مجھے سیڑھی بنایا،میرے بہت سارے پیسے بھی لیے،میں عدالت میں سب کچھ بتاؤں گی۔
یاد رہے کہ راکھی ساونت کی والدہ کینسر کے عارضے میں مبتلا تھیں اور کافی عرصے سے اسپتال میں زیر علاج تھی،تاہم گزشتہ ماہ کے آخر میں ان کا انتقال ہوگیا تھا۔ممبئی پولیس نے راکھی ساونت کی شکایت پر ان کے شوہر عادل خان درانی کو دھوکا دہی کے الزام میں حراست میں لے لیا ہے، راکھی ساونت نے حال ہی میں اپنے شوہر عادل خان درانی کے خلاف بےوفائی کے الزام میں پولیس میں شکایت درج کروائی تھی، بھارتی میڈیا کے مطابق عادل راکھی سے ملنے اس کے گھر آئے تھے پولیس نے وہاں پہنچ کر اسے گرفتار کر لیا۔
اداکارہ اور ان کے شوہر کے درمیان شادی کا اعلان کرنے کے چند روز بعد ہی جھگڑا ہو گیا تھا۔ عادل نے راکھی کے بے وفائی کے الزام کا جواب دیتے ہوئے کہا کہ وہ ہمیشہ اس کے ساتھ رہا ہے اور راکھی کے الزامات بےبنیاد ہیں۔
