لڑکے فلمسٹار ثنا نواز کے پیچھے کیوں لگ جاتے ہیں؟

پاکستانی اداکارہ ثنا نواز نے ہیوی بائیک چلانے کا انکشاف کرتے ہوئے بتایا کہ جب بھی میں ہیوی بائیک پر باہر نکلتی ہوں تو لڑکے میرے پیچھے لگ جاتے ہیں۔نامور اداکارہ نے حال ہی میں مزاحیہ پروگرام ’’حد کر دی‘‘ میں شرکت کی جہاں انہوں نے فلموں، ڈراموں اور اپنے ہیوی بائیک کے شوق کے حوالے سے بات کی، ثنا نے بتایا کہ میں نے اپنا کیریئر فلم انڈسٹری سے شروع کیا، لیکن فلموں کا معیار اب بھی بہتر نہیں، مجھے لگتا ہے کہ پاکستانی سینما میں فلموں میں سنجیدہ نہیں لیا جاتا، پاکستان سمیت دنیا بھر میں پاکستانی فلموں کے مقابلے پاکستانی ڈرامے زیادہ شوق سے دیکھے جاتے ہیں۔ثنا نواز نے کہا کہ ہم بالی ووڈ سے متاثر ہوکر فلمیں دیکھتے ہیں، اب چونکہ پاکستان میں زیادہ بجٹ نہیں ہے جس کی وجہ سے فلمیں معیاری نہیں بن رہیں، پروگرام کے دوران ثنا نواز نے ہیوی بائیک چلانے کے شوق پر بھی بات کی، انہیں ہیوی بائیک چلانے کا بے حد شوق ہے، اس دوران وہ کئی مرتبہ گِر بھی چکی ہیں۔انھوں نے کہا کہ ان کے پاس ’فیٹ بوائے‘ ہیوی بائیک ہے جو تقریباً 50 لاکھ کی ہے، ہیوی بائیک چلانے کے دوران مزاحیہ واقعہ سناتے ہوئے ثنا نواز نے کہا کہ ایک دن ان کی بائیک کے پیچھے دو کتوں لگ گئے تھے، ڈیفنس فیز 8 میں بائیک چلا رہی تھی، اس دوران دو کتے میرے پیچھے لگ گئے اور کھائی میں گرنے سے بال بال بچ گئی تھی۔ثنا نواز نے بتایا کہ جب میں بائیک چلاتی ہوں تو اکثر میری گاڑی میرے پیچھے ہوتی ہے، اس کی وجہ یہ ہے کہ لڑکے پیچھے لگ جاتے ہیں، بائیک چلاتے ہوئے جب میرے پیچھے لڑکے لگ جاتے ہیں تو سوچیں عام لڑکیوں کے ساتھ کیا ہوتا ہوگا، جو لڑکیاں روزانہ باہر نکل کر سفر کرتی ہیں، ان کیلئے کتنا مشکل ہوتا ہوگا، بائیک ایک بہت آسان سواری ہے، پاکستان میں لڑکیوں کا باہر نکلنا مشکل ہوگیا ہے، دیگر ممالک میں ایسا نہیں ہوتا۔