پاکستان میں نیٹ فلکس پر کونسی فلمیں ٹرینڈ کر رہی ہیں؟

چھٹیوں کے دوران وقت گزارنے کیلئے زیادہ تر لوگ فلموں کا انتخاب کرتے ہیں، اور عیدالاضحٰی کی چھٹیوں کے دوران بھی لوگوں نے زیادہ تر نیٹ فلکس کا ہی رخ کیا، آئیے جانتے ہیں کہ پاکستان میں نیٹ فلیکس کی کون سی سیریز ٹرینڈ کر رہی ہیں۔ نیٹ فلکس پر ٹرینڈ کرنیوالی فلموں کی فہرست میں ’’سٹرینجر تھنگز‘‘ پہلے نمبر پر موجود ہے جس کے چوتھے سیزن کو پاکستان سمیت دنیا بھر میں پسند کیا جا رہا ہے، ’’سٹرینجر تھنگز‘‘ کی کہانی امریکہ میں موجود افسانوی قصبے ہاکنز میں رہنے والے چھ دوستوں، ان کی فیملی اور ایک پولیس افسر کے گرد گھومتی ہے جنھیں عجیب الخلقت مخلوق اور واقعات کا سامنا کرنا پڑتا ہے۔

فلم ’’شی‘‘ اس فہرست میں دوسرے نمبر پر ہے، فلم ہندی زبان کی سیریز ہے جس کا دوسرا سیزن جون 2022 میں ریلیز کیا گیا ہے، سیزن کی خاص بات یہ ہے کہ اسے بالی ووڈ کے لکھاری امتیاز علی نے لکھا ہے، اس سیزن کی کہانی ایک پولیس کانسٹیبل کے گرد گھومتی ہے جو خفیہ طور پر ممبئی میں رہ کر کام کرتی ہے۔

فلم ’’دی لانگسٹ نائٹ‘‘ اس فہرست میں تیسرے نمبر پر موجود ہے، فلم ہسپانوی زبان کی 2022 میں ریلیز ہونے والی کرائم تھرلر نوعیت کی سیریز ہے، دی لانگسٹ نائٹ کی کہانی نفسیاتی مریضوں کی جیل میں رہنے والے ایک قاتل کے گرد گھومتی ہے۔

فلم ’’دی ایمبریلا اکیڈمی‘‘ چوتھے نمبر پر ٹرینڈ کر رہی ہے، فلم کے نئے سیزن اور سٹرینجر تھنگز کے نئے سیزن کے درمیان سخت مقابلہ جاری ہے، اس سیریز کی کہانی پر اسرار طور پر پیدا ہونےوالے بچوں کے گرد گھومتی ہے جنھیں ایک ریئس پال کر دنیا کو بچانے کا کام لیتا ہے۔

فلم ’’ونکینزو‘‘ پانچویں نمبر پر ٹرینڈ کر رہی ہے، جنوبی کوریائی سیریز کی 20 اقساط ریلیز ہو چکی ہیں، ونکینزو نامی سیریز کی کہانی ایک کوریائی اطالوی وکیل کے گرد گھومتی ہے جو مافیا کے ساتھ کام کرتا ہے۔