ڈیٹنگ میں مصروف کرینہ، سیف نے شادی کا فیصلہ کیوں کیا؟

بالی ووڈ ’’بے بو‘‘ نے انکشاف کیا ہے کہ وہ اور سیف علی خان پانچ سال سے ایک دوسرے سے تعلقات میں تھے لیکن بچوں کی خواہش ہوئی تو دونوں نے شادی کا فیصلہ کیا۔اداکارہ نے حال ہی میں فیشن میگزین ’’ڈرٹی‘‘ کو انٹرویو دینے کے ساتھ سرورق کے لیے فوٹو شوٹ بھی کروایا، اس تاثر کو مسترد کیا کہ اب وہ پہلی کی طرح خوبرو اور پرکشش نہیں رہیں، ان کا کہنا تھا کہ اگرچہ وہ دو بچوں کی ماں بن چکی ہیں اور خاندانی زندگی میں مصروف ہیں لیکن اس کے باوجود وہ آج بھی نہ صرف خوبصورت ہیں بلکہ وہ پرکشش اور خوبرو بھی ہیں، اداکارہ کے مطابق وہ اپنی خاندانی زندگی میں بہت پرسکون اور مطمئن ہیں، ان کی دنیا شوہر، دو بچوں اور پانچ دوستوں تک محدود ہے۔اداکارہ نے بتایا کہ کیریئر کے آغاز میں انہیں کیٹ ونسلیٹ، گلین اینڈرسن اور تبو بہت پسند تھیں، انہیں دیکھ کر ہی اپنا انداز اور اداکاری شروع کی، کیوںکہ ان کی خواہش تھی کہ وہ مین سٹریم اداکارہ بنیں اور اپنے منفرد کام کی وجہ سے ہی پہچانی جائیں۔ فلمی خاندان سے تعلق رکھنے کے باوجود شوبز میں انہوں نے کیا مشکلات دیکھیں، اس پر کرینہ کپور نے بات کرنے سے معذرت کرتے ہوئے کہا کہ انہیں اپنے کیریئر سے کوئی شکوہ نہیں، انہوں نے جو کام کیا، شاندار کیا، انہیں منفرد پہچان ملی۔اداکارہ نے کہا کہ شادی اس وقت ضرور کرلینی چاہئے جب کسی کو بچوں کی خواہش ہو، مثال دی کہ ان کے اور سیف علی خان کے شادی سے قبل پانچ سال تک تعلقات تھے لیکن انہوں نے اپنے تعلقات کو اس وقت دوسرے رشتے میں تبدیل کیا جب انہیں بچوں کی خواہش ہوئی، اس بات پر اطمینان کا اظہار کیا کہ ان کی زندگی دو بچوں، شوہر اور قریبی دوستوں اور اہل خانہ کے ہمراہ بہترین گزر رہی ہے۔اداکارہ نے یہ دعویٰ بھی کیا کہ اگرچہ وہ 43 برس کی ہوچکی ہیں اور وہ دو بچوں کی ماں ہیں لیکن اس کے باوجود وہ آج بھی خوبرو اور پرکشش ہیں۔