گلوکارہ آئمہ بیگ نے بوائے فرینڈ سے بریک اپ کس کے لیے کیا؟
معروف گلوکارہ آئمہ بیگ اور انکے منگیتر شہباز شگری کے ‘بریک اپ’ کی کہانی میں تب ایک نیا ٹوئسٹ آگیا جب ایک برطانوی ماڈل طلولہ مایر کے نے یہ الزام عائد کر دیا کہ آئمہ کے ان کے سابق بوائے فرینڈ برطانوی فلمساز قیس احمد سے تعلقات ہیں اور وہ اپنے منگیتر شگری کو دھوکہ دے رہی تھیں۔ آئمہ بیگ کی شہباز شگری سے 2021 میں منگنی ہوئی تھی لیکن حال ہی میں ان دونوں میں علیحدگی ہو گئی ہے۔ تاہم آئمہ بیگ نے اس معاملے پر ایک طویل بیان میں تمام الزامات کی تردید کی ہے۔ انہوں نے سوشل میڈیا پر رنگ برنگی کہانیاں پھیلانے والوں کو کہا ہے کہ وہ فالوورز بنا کر پیسے کمانے کے چکر میں ان کی شخصیت کو مسخ کرنے سے باز آجائیں۔ انہوں نے متعدد انسٹاگرام پوسٹس میں صارفین سے پوچھا کہ پورا سچ جانے بغیر، بول لیا آپ سب نے؟ کر لیا تنگ آپ نے مجھے یا ابھی اور تھوڑا تنگ کرنا رہتا ہے، اب کیا میں بھی تھوڑا بول سکتی ہوں؟ آئمہ بیگ کا کہنا تھا کہ میں نے معاملہ نمٹنے کے لیے ایک باوقار بیان دیا لیکن چند لوگ خاموش رہنا چاہتے ہیں کیونکہ وہ جانتے ہیں کہ نہ صرف انکے بارے میں بلکہ انکے خاندانوں کے بارے میں بھی اور کتنی بدصورت چیزیں سامنے آئیں گی۔ انہوں نے لکھا کہ میں اس احترام کو اب بھی برقرار رکھنا چاہتی ہوں جو میں نے ان لوگوں کو دیا ہے، دراصل اس ایک شخص اور خاندان کے لیے کیونکہ ‘میری پرورش اس طرح نہیں ہوئی’۔
آئمہ بیگ نے شگری سے بریک اپ کا اعلان 17 ستمبر کو انسٹاگرام پوسٹ پر کیا تھا تاہم جلد ہی اسے ڈیلیٹ کر دیا تھا۔ گلوکارہ نے لکھا کہ میں ان لوگوں کا مذاق نہیں اڑاتی اور نہ اڑا سکتی ہوں جو مر چکے ہیں یا انہوں نے دوسرے کو کس طرح استعمال کیا اور پھر ایسا سلوک کیا، جیسے وہ متاثرہ ہیں، جو لوگ ایسے شخص کو ذاتی طور پر جانتے ہیں، ان کے پاس اس معاملے میں کہنے کے لیے کچھ نہیں ہے کیونکہ وہ آپ لوگوں کے باخبر ہونے سے پہلے سچ جانتے ہیں اور مجھ پر بھروسہ کریں کہ وہ جانتے ہیں کہ ایسا کیوں ہوا ہے۔
آئمہ بیگ نے اپنے تعلقات سے متعلق دعویٰ کرنے والے اکاؤنٹ کا حوالہ دیتے ہوئے کہا کہ جو کچھ ہوا ہے، میں اس وقت شدید صدمے سے گزر رہی ہوں کیونکہ لوگ نہیں جانتے ہیں کہ اصل میں کیا ہوا تھا اور یہ فالتو لوگ صرف اپنے فالورز اور پیسوں میں اضافہ چاہتے ہیں، برائے مہربانی انہیں دیں تاکہ یہ لوگ اپنی زندگیوں میں آگے بڑھ سکیں۔ صورتحال کو ‘براہ راست لوگوں کو ہدف بنا کر دھمکانے’ کے مترادف قرار دیتے ہوئے آئمہ بیگ کا کہنا تھا کہ گزشتہ چند دنوں میں مجھے بڑا تعجب ہوا کہ کوئی سمجھدار آدمی کس طرح ان الزامات پر یقین کرسکتا ہے جو کسی شخص نے صرف چند فالورز حاصل کرنے کے لیے سچ اور سٹوری کے پیچھے حقیقت جانے بغیر لگائے ہوں۔
انہوں نے دوسری انسٹاگرام سٹوری پر لوگوں سے کسی اچھے ڈاکٹر کے بارے میں تجویز طلب کی، ان کا کہنا تھا کہ ‘مجھے ان لوگوں کو بھیجنے کی ضرورت ہے، جنہیں ان کی اشد ضرورت ہے، ساتھ تھوڑے سے پیسے بھی ورنہ آپ کے ساتھ بھی وہی ہوگا جو میرے ساتھ ہوا ہے، انہوں نے کہا کہ میرے پاس چند دستاویزات ہیں اور میری بہن کے پاس حقائق ہیں، میں ایک ایسی لڑکی ہوں جو صرف اپنے گانے کے فن سے لوگوں کو محظوظ کرنا جانتی ہے۔
آئمہ بیگ نے تیسری انسٹاگرام اسٹوری میں مائر کی جانب سے شیئر کی گئی ویڈیو کا حوالہ دیتے ہوئے کہا کہ جان بوجھ کر چند مخصوص الفاظ بولے اور صرف آدھی ویڈیو پوسٹ کی۔ انہوں نے یہ بھی دعویٰ کیا کہ اسے بتایا گیا کہ اس ویڈیو کے متن میں کیا کہنا ہے اور ان کا بوائے فرینڈ بھی جانتا ہے۔
خیال رہے کہ شہباز شگری نے اس صورت حال پر اب تک کوئی تبصرہ نہیں کیا ہے۔آئمہ بیگ اور شہباز شگری نے سوشل میڈیا اکاؤنٹس سے ایک ساتھ اپنی تصاویر ڈیلیٹ کر دی تھیں جس کے بعد مداحوں نے قیاس آرائیاں شروع کر دی تھیں، اپنے اکاؤنٹس سے ایک دوسرے کی تصاویر ہٹانا آج کے دور میں بریک اپ کی ایک حقیقی علامت ہے۔
اس جوڑے کی باضابطہ طور پر گزشتہ برس جولائی میں منگنی ہوئی تھی، اس تقریب میں ہانیہ عامر، علی رحمٰن اور گلوکار عزیر جسوال نے بھی شرکت کی تھی، سابق جوڑا کھل کا اظہار کرتا تھا کہ وہ کیسا محسوس کرتے ہیں اور اکثر سوشل میڈیا پر ایک دوسرے کے بارے میں پیار بھری پوسٹ بھی کرتے تھے۔
