سشمیتا سین نے ایک بابے سے شادی کا فیصلہ کر لیا

بھارتی فلم انڈسٹری کی معروف اداکارہ سشمیتا سین اور انڈین پریمیر لیگ کے بانی 65 سالہ للت مودی کی شادی کے چرچے سوشل میڈیا پر عام ہو گے ہیں، للت مودی کی ٹوئیٹ کے بعد صارفین نے دونوں کو ہنی مون کیلئے تجاویز بھی دینا شروع کر دیں۔ تاہم دونوں نے ابھی تک اپنی شادی کے منصوبے کی تصدیق نہیں کی ہے۔

بھارتی اداکارہ سشمیتا سین سے دوستی کی خبر للت مودی نے سماجی رابطوں کی ویب سائٹ ٹوئٹر پر بریک کی، للت نے ٹویٹ کرتے ہوئے کہا کہ وہ مالدیپ اور سرڈینیا کا چکر لگا کر فیملیز کے ہمراہ لندن واپس آ گئے ہیں، لیکن یہاں میں اپنی جیون ساتھی سُشمیتا سین کا بھی بتاتا چلوں، نئی زندگی کا نیا آغاز ہے، اور مجھے بہت ہی زیادہ خوشی ہے۔ اس ٹویٹ کے بعد انٹرنیٹ پر فوراً للت مودی اور سشمیتا سین کی شادی کی خبریں آنا شروع ہوگئیں، تاہم کچھ ہی دیر بعد للت مودی نے ٹویٹ کر کے بتایا کہ وہ دونوں ابھی صرف ڈیٹ کر رہے ہیں، شادی بھی ایک نہ ایک دن کر ہی لیں گے۔

یاد رہے کہ للت مودی نے 1991 میں منال مودی سے شادی کی تھی، جو 2018 میں کینسر کے باعث چل بسی تھیں۔ سشمیتا سین کے ساتھ ان کی دوسری شادی ہوگی، سشمیتا اس سے پہلے اپنے بوائے فرینڈ روہمن شال کے ساتھ 2021 میں بریک اپ کر چکی ہیں۔ 1994 میں مس یونیورس بننے والی سشمیتا سین نے دو بچیوں کو گود لیا ہوا ہے، 2008 میں آئی پی ایل کو متعارف کروانے والے للت مودی بھارت میں اس وقت منی لانڈرنگ، کرپشن اور بد انتظامی کے کیسوں میں مطلوب ہیں۔

اسی سلسلے میں 2013 میں للت مودی پر تاحیات پابندی عائد کر دی گئی تھی، للت مودی اور سشمیتا سین کی دوستی اور ممکنہ شادی کی اچانک خبر آنے پر ٹوئٹر پر صارفین کی جانب سے تبصرے بھی دیکھنے میں آ رہے ہیں، چراغ نامی ایک صارف لکھتے ہیں کہ ’نئے جوڑے کو بہت بہت مبارک ہو، رب نے بنا دی جوڑی۔

شوانی شکلا نامی ایک صارف کہتی ہیں کہ ہنی مون پر انڈیا آ جاؤ سر جی، سنینا نامی ایک صارف نے لکھا کہ ’دل توڑ ہی دیا تھا پہلی ٹویٹ میں۔ آپکو کیا اس بابے کے سوا اور کوئی نہیں ملا تھا اپنا جیون ساتھی بنانے کے لیے۔