کوک سٹوڈیو گانا ’’پسوڑی‘‘ عالمی سطح پر بھی چھا گیا

کوک سٹوڈیو سیزن 14 میں گائے گے علی سیٹھی اور شے گل کے گانے ’’پسوڑٰی‘‘ نے مقبول سٹریمنگ میوزک ایپ ’’سپاٹی فائی‘‘ پر ٹاپ تھری میں جگہ بنا لی ہے۔ ’’کوک سٹوڈیو‘‘ کے پانچویں گانے ’’پسوڑی‘‘ کو گزشتہ ماہ 7 فروری کو ریلیز کیا گیا تھا جو پہلے 24 گھنٹوں میں 10 لاکھ بار دیکھا جانے والا کوک سٹوڈیو سیزن کا پہلا گانا بنا تھا۔ اس گانے میں جہاں معروف صحافی نجم سیٹھی کے صاحبزادے علی سیٹھی کی آواز کو بہت سراہا گیا، وہیں نئی گلوکارہ شے گِل کی بھی تعریفیں کی گئیں اور انہیں اسی سے شہرت ملی۔ اب ’پسوڑی‘ نے ایک اور اعزاز اپنے نام کرتے ہوئے ’’سپاٹی فائی‘‘ کے گلوبل وائرل 50 گانوں کی فہرست میں جگہ بنالی ہے۔

’’سپاٹی فائی‘‘کی وائرل ویڈیوز کی گلوبل 50 لسٹ میں ’’پسوڑی‘‘ کے تیسرے نمبر پر آنے کے بعد علی سیٹھی اور کوک سٹوڈیو کے پروڈیوسر عبداللہ صدیقی اور ذوالفقار جبار علی خان المعروف زلفی نے بھی سوشل میڈیا پوسٹس کیں جبکہ دیگر میوزک سے وابستہ شخصیات نے بھی اس پر خوشی کا اظہار کیا۔ علی سیٹھی نے گلوبل وائرل 50 گانوں کی فہرست کا سکرین شاٹ شیئر کرتے ہوئے ’پسوڑی‘ کے تیسرے نمبر پر آنے پر خوشی کا اظہار کیا اور ساتھ ہی بتایا کہ انہیں گزشتہ برس زلفی نے بتایا تھا کہ گانا عالمی سطح پر جگہ بنانے میں کامیاب جائے گا، علی سیٹھی نے لکھا کہ انہیں زلفی کی بات پر ہنسی آئی تھی اور کچھ کہے بغیر کافی پی کر گانے بنانے پر غور شروع کیا تھا۔ گلوکار نے مزید لکھا کہ اب ان کا ’پسوڑی‘ گلوبل وائرل 50 فہرست میں تیسرے نمبر پر آیا ہے تو انہیں نہ صرف خوشی ہو رہی ہے بلکہ وہ حیران بھی ہو رہے ہیں، گلوکار نے شے گِل سمیت زلفی اور عبداللہ صدیقی کو بھی مینشن کرتے ہوئے انہیں مبارک باد پیش کی اور ساتھ ہی تمام شائقین کا خصوصی شکریہ ادا کیا کہ گانے کو تیسرے نمبر پر پہنچایا۔

علی سیٹھی نے اسی حوالے سے سماجی رابطے کی ویب سائٹ انسٹا گرام سٹوری بھی شیئر کی، جس میں پڑوسی ملک بھارت کے شائقین کا شکریہ ادا کیا اور بتایا کہ ان کا گانا سب سے زیادہ انڈیا میں سنا گیا، ’’پسوڑی‘‘ کے تیسرے نمبر پر آنے پر علی سیٹھی کے والد نجم سیٹھی نے بھی ٹوئٹ کرتے ہوئے انہیں مبارک باد پیش کی۔ سپاٹی فائے کے عالمی مشہور گانوں کی فہرست میں تیسرے نمبر پر آنے کے بعد علی سیٹھی سمیت کوک سٹوڈیو کے پروڈیوسر عبداللہ صدیقی اور ذوالفقار جبار علی خان المعروف زلفی نے بھی سوشل میڈیا پر پسوڑی کی کامیابی کی پوسٹ شئیر کی جبکہ دیگر میوزک سے وابستہ شخصیات نے بھی اس پر خوشی کا اظہار کیا۔

کوک سٹوڈیو نے مومنہ مستحسن کی آواز میں نیا گانا ریلیز کر دیا

واضح رہے کہ پسوڑی کے تیسرے نمبر پر آنے پر علی سیٹھی کے والد نجم سیٹھی نے بھی ٹوئٹ پر بیٹے کو گانے کی عالمی سطح پر کامیابی کی مبارکباد پیش کی تھی، پسوڑی کوک سٹوڈیو کے تمام سیزنز کا ایسا پہلا گانا ہے جس نے 24 گھنٹوں میں ہی 10 لاکھ مرتبہ دیکھا اور سُنا جانے کا اعزاز حاصل کر لیا تھا، پسوڑی گانا گزشتہ ماہ 7 فروری کو ریلیز کیا گیا تھا۔

Cook Studio song Pasori also went global in Urdu News