معروف اداکار ہمایوں سعید نے برطانوی ویب سیریز ’’دی کرائون‘‘ میں لیڈی ڈیانا کے دوست ڈاکٹر حسنات کا کردار ادا کر کے مداحوں کو ’’واہ واہ‘‘ کرنے پر مجبور کر دیا ہے۔

ہمایوں سعید نیٹ فلکس کی ویب سیریز دی ’کراؤن‘ کی مرکزی کاسٹ میں شامل ہیں، اور پاکستانی نژاد برطانوی ڈاکٹر حسنات خان کا کردار ادا کر رہے ہیں جن کا تعلق جہلم سے تھا اور بعد ازاں وہ لندن شفٹ ہو گئے تھے، نیٹ فلکس کی اوریجنل سیریز ’دی کراؤن‘ کی کہانی ملکہ برطانیہ الزبتھ دوئم اور شاہی خاندان کے گرد گھومتی ہے۔

ڈاکٹر حسنات احمد خان پاکستانی نژاد برطانوی شہری تھے جن کے بارے کہا جاتا ہے کہ لیڈی ڈیانا ان سے محبت کرتی تھیں اور دونوں کے درمیان گہری دوستی تھی، لیڈی ڈیانا انھیں ’مسٹر ونڈرفل‘ کہہ کر پکارتی تھیں۔

’دی کراؤن‘ کا پہلا سیزن 2016 میں ریلیز کیا گیا تھا، رواں ہفتے اس کا پانچواں سیزن ریلیز کیا گیا ہے، پاکستان میں یہ سیزن پہلے نمبر پر ٹرینڈ کر رہا ہے جبکہ ہمایوں سعید کسی بھی نیٹ فلکس اوریجنل میں کام کرنے والے پہلے پاکستانی اداکار ہیں۔

نوازسے آرمی چیف کی تعیناتی پرمشورہ سیکرٹ ایکٹ کی خلاف ورزی

رواں سال ہمایوں سعید اور برطانیہ کا کافی تذکرہ رہا ہے، ’دی کراؤن‘ میں کام کرنے کے علاوہ ہمایوں سعید رواں سال ’لندن نہیں جاؤں گا‘ میں بھی کام کر چکے ہیں، ’لندن نہیں جاؤں گا‘ 2017 میں آنے والی سپرہٹ پاکستانی فلم ’پنجاب نہیں جائوں گی‘ کا سیکوئل تھا۔ ہمایوں سعید کی دی کراؤن میں اداکاری اور سیزن پر سماجی رابطوں کی ویب سائٹ ٹوئٹر پر تبصرے بھی دیکھنے میں آ رہے ہیں۔

جرمنی میں تعینات پاکستانی سفیر ڈاکٹر محمد فیصل کہتے ہیں کہ ’ہمایوں سعید تو چھا گئے ہیں، دی کراؤن پاکستان میں ریلیز ہوگئی۔ ہمنا لکھتی ہیں کہ میرے خیال سے میں ساری رات اس وجہ سے جاگی ہوں کہ میں ہمایوں سعید کو دی کراؤن میں دیکھ سکوں، پاکستانی سینما نامی ہینڈل نے ہمایوں سعید کی دی کراؤن میں اداکاری کی تصاویر اپلوڈ کیں۔