یونان،جنگلات میں آگ لگنے سے 20 افراد ہلاک،کئی گاڑیاں جل گئیں

یونان کے جنگلات میں لگی آگ پر چار روز بعد بھی قابو نہ پایا جاسکا، آگ سے ہلاک ہونے والے افراد کی تعداد 20 ہوگئی۔ریسکیو حکام کے مطابق جنگلات کی آگ سے متاثرہ شمالی علاقوں سے 20 جلی ہوئی لاشیں ملی ہیں، آگ سے ہلاک ہونے والے ممکنہ طور پر تارکین وطن ہوسکتے ہیں۔ریسکیو حکام کا کہنا ہے کہ آگ سے متاثرہ علاقوں سے لوگوں کا انخلا جاری ہے، آگ سے کئی مکانات اور گاڑیاں جل گئی ہیں جبکہ  شدید گرم موسم اور خشک ہوائیں آگ پھیلنے کا سبب بن رہی ہیں۔

رومانیا کی فائر فائٹنگ ٹیم بھی آگ بجھانے کی کارروائیوں میں حصہ لے رہی ہے جبکہ یورپی یونین نے بھی دو فائر فائٹر طیارے بھیجنے کا اعلان کیا ہے۔دوسری جانب کینیڈا کے جنگلات میں لگنے والی آگ کے باعث 30 ہزار سے زائد گھروں کو خالی کرنے کے احکامات دیے گئے ہیں۔

حکام کا بتانا ہےکہ آگ کی وجہ سے کینیڈا کے شمال مغربی علاقے کو خالی کرنے کے لیے جمعہ تک کا وقت دیا گیا تھا جس کے بعد لوگوں کو گاڑیوں اور جہاز کے ذریعے محفوظ مقامات پر منتقل کیا گیا ہے۔

Related Articles

Back to top button