آئی سی سی ٹی20 ورلڈ کپ،انگلینڈ کیخلاف سیزیزکیلئے قومی سکواڈکا اعلان

چیئرمین سلیکشن کمیٹی محمد وسیم نے لاہور میں پریس کانفرنس کرتے ہوئےکہا قومی کرکٹ ٹیم کے 15 کھلاڑیوں پر مشتمل اسکواڈ میں بابر اعظم کو کپتان جب کہ شاداب خان کو نائب کپتان رکھا گیا ہے۔ اسکواڈ میں آصف علی، حیدر علی، حارث رؤف، افتخار احمد، خوشدل شاہ، محمد رضوان (وکٹ کیپر)، محمد حسنین، محمد نواز، محمد وسیم جونیئر، نسیم شاہ، شاہین شاہ آفریدی، شان مسعود اور عثمان قادر شامل ہیں۔

انہوں نے بتایا کھلاڑی فخر زمان، محمد حارث (وکٹ کیپر) اور شاہنوازدھانی ٹریول ریزرو کی حیثیت سے سفر کریں گے۔ یہ ایونٹ 16 اکتوبر سے 13 نومبر تک آسٹریلیا میں کھیلا جائے گا۔

انکا کہناتھا سلیکٹرز نے فخر زمان اور شاہین شاہ آفریدی کے سوا ٹی ٹونٹی ورلڈکپ کے لیے اعلان کردہ تمام کھلاڑیوں کو انگلینڈ کے خلاف سیریز میں شامل کیا ہے۔ فخر زمان گھٹنے میں تکلیف کے باعث انگلینڈ کے خلاف سیریز کے لیے دستیاب نہیں ہیں۔

چیف سلیکٹر نے بتایا کہ آل راؤنڈر عامر جمال اور اسپنر ابرار احمد کو بھی انگلینڈ کے خلاف سات ٹی ٹونٹی انٹرنیشنل میچز کے لیے اسکواڈ میں رکھا گیا ہے۔

انہوں نے کہا ورلڈ کپ میں پاکستان اپنا پہلا میچ بھارت کے خلاف 23 اکتوبر کو کھیلے گااسی طرح پاکستان اور انگلینڈ کے درمیان 7 عدد ٹی ٹونٹی میچوں کی سیریز 20 ستمبر سے شروع ہو گی، نیشنل اسٹیڈیم کراچی ابتدائی چار میچوں کی میزبانی کرےگا، قذافی اسٹیڈیم لاہور میں 28 ، 30 ستمبر اور 2 اکتوبر کو میچ ہوں گے۔

محمد وسیم نے بتایا کہ کراچی اور لاہور کے تمام میچوں کا آغاز شام 7:30 بجے ہوگا، ہمیں اس ٹیم نے مجموعی طور پر بہت خوشیاں دی ہیں۔

Related Articles

Back to top button