قومی کرکٹ ٹیم کے مساجر کورونا کا شکار ہوگئے

سری لنکا میں موجود قومی کرکٹ ٹیم کے مساجرملنگ علی کورونا کا شکار ہوگئے۔

سری لنکا میں قومی ٹیم کے ترجمان کی جانب سے جاری کردہ بیان کے مطابق کہا جارہےکہ اسکواڈ کے ایک سپورٹ اسٹاف ملنگ علی کورونا وائرس کا شکار ہوگئے ہیں، ملنگ علی کا ریپڈ ٹیسٹ مثبت آنے کے بعد انہیں 5 روزہ آئسولیشن میں بھیج دیا گیا ہے،انہوں نے کہا کہ امید ہے جلد صحت یاب ہوکر قومی کرکٹ اسکواڈ میں شامل ہوں گے۔

ترجمان قومی کرکٹ ٹیم کے مطابق 5 روز کے بعد سپورٹ اسٹاف کے رکن کا دوبارہ ریپڈ ٹیسٹ ہو گا تاہم اسکواڈ کے باقی تمام ارکان کے ٹیسٹ منفی آئے ہیں۔

دوسری جانب سری لنکا میں قومی کرکٹ ٹیم کے کھلاڑیوں نے آج پول سیشن میں حصہ لیا جب کہ ٹیم کا پہلا ٹریننگ سیشن کل ہو گا۔