پانچواں ٹی 20 : پاکستان نے انگلینڈ کو 6 رنز سے ہرا دیا

پانچویں ٹی20 میچ میں پاکستان نے انگلش ٹیم کو 6 رنز سے شکست دے دی۔جس کے بعد پاکستان کو 7 میچوں کی سیریز میں 3-2 برتری حاصل ہوگئی ہے۔

لاہور کے قذافی سٹیڈیم میں کھیلے گئےمیچ میں پاکستان نےپہلے کھیلتے ہوئےانگلینڈ کو جیت کیلئے146 رنز کا ہدف دیا تھا،ہدف کے تعاقب میں انگلینڈ کی ٹیم مقررہ اوورز میں سات کھلاڑیوں کے نقصان پر 140 رنز ہی بنا سکی، کپتان معین علی 51 رنز بنا کر ناٹ آؤٹ رہے جبکہ ڈیوڈ ملان 36 رنز بنا سکے۔

قومی ٹیم کی جانب سے فاسٹ بولر حارث رؤف نے دو وکٹیں حاصل کیں جبکہ ڈیبیو کرنے والے آل راؤنڈر عامر جمال نے دو اوورز کروا کر ایک وکٹ حاصل کی۔

میچ کے دوران انگلش پلیئر ڈیوڈ ملان کی تھرو کے دوران کمر پر گیند لگنے کے باعث محمد رضوان کی جگہ محمد حارث نے وکٹ کیپنگ کی۔

قبل ازیں پاکستان کی پوری ٹیم 19ویں اوور میں 145 رنز بنا کر آؤٹ ہوگئی تھی۔ انگلش فاسٹ بولر مارک ووڈ نے تین وکٹیں حاصل کیں۔

قومی ٹیم نے بیٹنگ شروع کی تو کپتان بابراعظم 9 رنز بنا کر پویلین لوٹ گئے جس کے بعد ٹیم کے بقیہ کھلاڑی وقفے وقفے سے آؤٹ ہوتے رہے۔ اوپنر محمد رضوان 63 رنز بنا کر نمایاں رہے،شان مسعود 7، حیدر علی 5، افتخار احمد 15، آصف علی 5، محمد نواز صفر، شاداب خان 7 رنز اور ڈیبیو کرنے والے آل راؤنڈر عامر جمال 10 اور حارث رؤف 8 رنز بنا کر آؤٹ ہوئے۔

قبل ازیں انگلش ٹیم نے ٹاس جیت کر پاکستان کو بیٹنگ کی دعوت دی.

قومی ٹیم میں آل راؤنڈر عامر جمال نے ڈیبیو کیا جبکہ شاداب خان اور حیدر علی کی ٹیم میں واپسی ہوئی ۔ خوشدل شاہ، عثمان قادر اور نسیم شاہ نے آج کا میچ نہیں کھیلا۔

سات میچوں کی سیریز میں پاکستان کو 3-2 سے برتری حاصل ہو گئی ہے۔

قومی سکواڈ میں کپتان بابراعظم، محمد رضوان، شان مسعود، افتخار احمد، خوشدل شاہ، آصف علی، محمد نواز، عثمان قادر، حارث رؤف، محمد وسیم جونیئر، محمد حسنین شامل ہیں۔

مہمان ٹیم کے سکواڈ میں الیکس ہیلز، وکٹ کیپر فل سالٹ، وِل جیکس، بین ڈکٹ، ہیری بروک، کپتان معین علی، ڈیوڈ ولی، ریسی ٹوپلے، عادل رشید، اولی سٹون، لیام ڈاوسن شامل ہیں۔