پاکستانی ریسلنگ ٹیم کابرمنگھم کامن ویلتھ گیمز کیلئے انتخاب

پاکستانی ریسلنگ ٹیم کا 28 جولائی سے شروع ہونیوالی برمنگھم کامن ویلتھ گیمز کیلئے انتخاب کر لیا گیاہے۔
لاہورمیں پی سی بی کے کوچنگ سنٹر میں قومی ریسلرز کا کیمپ جاری ہے۔ملک کی نمائندگی کیلئے جن ریسلرز کو ٹرائلز کے ذریعے منتخب کیاگیا ،ان میں،محمد انعام بٹ بھی شامل ہیں جو86 کلو گرام کیٹیگری میں حصہ لیں گے۔
اس کے علاوہ57کلوگرام کیٹیگری میں اسد علی کو چنا گیا ہے، 65 کلوگرام میں عنایت اللہ جگہ بنانے میں کامیاب ہوئے ہیں، شریف طاہر 74 کلوگرام میں میڈل کی جدوجہد کریں گے، 125 کلوگرام میں زمان انور شریک ہوں گے جبکہ 97 کلوگرام کیٹیگری میں ریسلر کا انتخاب ہونا ابھی باقی ہے۔