پاکستان نے آئی سی سی ون ڈے رینکنگ میں آسٹریلیا سے تیسری پوزیشن چھین لی

پاکستان نے آئی سی سی ون ڈے رینکنگ میں آسٹریلیا سے تیسری پوزیشن چھین لی ہے۔

انٹرنیشنل کرکٹ کونسل کی نئی رینکنگ کے مطابق سری لنکا کے خلاف پانچ میچوں کی سیریز کے دوسرے میچ میں آسٹریلوی ٹیم کی شکست کے بعد رینکنگ میں تنزلی ہوئی ہے جس کا فائدہ پاکستان ہوا اور قومی ٹیم چوتھے سے تیسرے نمبر پر پہنچ گئی ہے۔

پاکستان کو معاشی ترقی کیلئے امریکہ ، بھار ت سے روابط بڑھانا ہونگے

خیال رہے کہ پاکستان نے ویسٹ انڈیز کو ہوم گراؤنڈ پر کلین سوئپ کرکے ون ڈے رینکنگ میں بھارت سے چوتھی پوزیشن چھین لی تھی تاہم آسٹریلیا کو سری لنکا کے خلاف 26 رنز سے شکست کے بعد قومی ٹیم کی ریٹنگ میں 1 پوائنٹ کا اضافہ ہوا اور تیسری پوزیشن سنبھال لی جبکہ کینگروز 1 پوائنٹ کی کمی سے چوتھے نمبر پر آگئے۔

انٹرنیشنل کرکٹ کونسل کی تازہ رینکنگ کے مطابق نیوزی لینڈ 125 ریٹنگ کے ساتھ پہلے، انگلینڈ 124 ریٹنگ کے ہمراہ دوسرے، پاکستان 106 ریٹنگ پوائنٹس کے ساتھ تیسرے جبکہ آسٹریلیا اور بھارت 105 ریٹنگز کے ہمراہ بالترتیب چوتھی اور پانچویں پوزیشن پر قابض ہیں۔

یادرہے کہ اس سے قبل قومی کرکٹ ٹیم کے کپتان بابراعظم کے بعد اوپنر امام الحق نے بھی ون ڈے رینکنگ میں سابق بھارتی کپتان ویرات کوہلی کو پیچھے چھوڑتے ہوئے دوسری پوزیشن پر قبضہ جمالیا تھا۔

Related Articles

Back to top button