ایشیا کپ 2022 کے تیسرے میچ میں افغانستان بنگلا دیش کو7 وکٹوں کو شکست دے دی۔ افغان ٹیم نے ہدف 18ویں اوور کی تیسری گیند پر چھکا لگا کر حاصل کیا۔

دبئی کے انٹرنیشنل سٹیڈیم میں کھیلے گئےمیچ میں بنگلہ دیش کرکٹ ٹیم نے افغانستان کو جیتنے کے لیے 128 رنز کا ہدف دیا تھا۔

افغانستان کے نائب کپتان نجیب اللہ زدران نے 43 اور ابراہیم زدران نے 42 رنز کی ناقابل شکست اننگز کھیلی، بنگلہ دیشی ٹیم افغان ٹیم کے صرف تین کھلاڑیوں کو آؤٹ کر سکی۔ حضرت اللہ زازئی 23 رنز، رحمان اللہ گربز 11 رنز اور کپتان محمد نبی نے 8 رنز اسکور کیے.

میچ میں بنگلہ دیش ٹیم کی بیٹنگ کا آغاز اچھا نہ رہا اور 28 رنز پر 4 کھلاڑی پویلین لوٹ گئے۔ اسکے بعد پانچویں وکٹ 53 رنز، چھٹی وکٹ 89 رنز اور ساتویں وکٹ 127 رنز گری۔

بنگلہ دیش ٹیم کے کپتان شکیب الحسن نے ٹاس جیت کر پہلے بیٹنگ کرنے کا فیصلہ کیا تھا۔

وزیرخارجہ کاغیرملکی سفارتکاروں کیساتھ سیلاب زدہ علاقوں کا دورہ

بنگال ٹائیگرز کے اوپنر محمد نعیم 6، انعام الحق 5، کپتان شکیب الحسن 11، مشفق الرحیم ایک رن، عفیف حسین 12، محمود اللہ 25 اور مہدی حسن 14 رنز بنا کر آؤٹ ہوئے۔ افغانستان کی جانب سے مجیب الرحمان اور راشد خان نے تین، تین کھلاڑیوں کو آؤٹ کیا جبکہ ایک کھلاڑی رن آؤٹ کیا۔

افغانستان کی جانب سے اسپنرز نے بہترین باؤلنگ کروائی، راشد خان نے 4 اورز میں 22 رنز دے کر 3 کھلاڑیوں کو آؤٹ کیا،آف اسپنر مجیب الرحمٰن نے بھی مقررہ 4 اوورز میں 16 رنز دے کر 3 کھلاڑیوں کو آؤٹ کیا۔

افغانستان کی ٹیم میں کپتان محمد نبی، نائب کپتان نجیب اللہ زردان، عظمت اللہ عمر زئی، فضل الحق فاروقی، حضرت اللہ زازئی، ابراہیم زردان، کریم جنت، مجیب الرحمان، نوین الحق، رحمان اللہ گربز، راشد خان جبکہ بنگلہ دیش کی ٹیم میں کپتان شکیب الحسن، عفیف حسین، انعام الحق، مہدی حسن، محمد نعیم، محمد سیف الدین، مصدق حسین، مشفق الرحیم، مصتفیض الرحمان، محمود اللہ، تسکین احمد شامل ہیں۔