بلوچستان اور خیبرپختونخوا میں مدارس رجسٹریشن نہیں کروانا چاہتے : ڈائریکٹر مذہبی تعلیم

ڈائریکٹر مذہبی تعلیم کا کہنا ہےکہ بلوچستان اور خیبرپختونخوا میں مدارس رجسٹریشن نہیں کروانا چاہتے،اس حوالےسے ہمیں کوئی وجہ بھی نہیں بتائی گئی۔

قومی اسمبلی کی قائمہ کمیٹی برائے تعلیم و تربیت کا اجلاس ڈاکٹر عظیم الدین زاہد لکھوی کی زیر صدارت ہوا،اجلاس کےدوران مدارس اصلاحات اور رجسٹریشن کا معاملہ زیر بحث آیا۔

ڈائریکٹر مذہبی تعلیم کی جانب سے کمیٹی کو بتایاگیاکہ جیسے ہی ہم نے رجسٹریشن شروع کی تو مدارس نے رجسٹریشن سے انکار کردیا۔

ڈائریکٹر مذہبی تعلیم نےبتایا کہ ہمارا جن مدارس سے معاہدہ ہوا،انہوں نےبغیر کوئی وجہ بتائے رجسڑیشن سے انکار کردیا، 598 مدارس میں ہم نے چیک لگایا ہے، مدارس کی رجسٹریشن کےلیے ہمیں بلوچستان اور خیبرپختونخوا میں سب سے زیادہ مسائل پیش آرہے ہیں۔

انہوں نےکہاکہ خیبرپختونخوا اور بلوچستان کے مدارس رجسٹریشن نہیں کروانا چاہتے،مدارس کے درس نظانی یا ان کے نصاب میں کوئی مداخلت نہیں کریں گے، ان مدارس کی رجسٹریشن ضروری تھی،آرڈینینس اگر پارلیمینٹ پاس کردے تو ہمارے لیے رہنمائی ہوگی۔

ڈائریکٹر مذہبی تعلیم نے کہاکہ بیرون ممالک کے طلبہ بھی مدارس میں زیرتعلیم ہیں،انہیں بھی دیکھنا ہ تاکہ وہ ہمارے سفیر بنیں۔

ان کاکہنا تھاکہ 1760 مدارس مختلف بورڈز سے الحاق کرچکے ہیں،40 ہزار سے زائد مدارس ہیں،18164 مدارس ملک بھر سے ڈائریکٹیوریٹ جنرل مذہبی تعلیم سے رجسٹر ہو چکے ہیں، 1608 بیرون ممالک کے طلبہ مدارس میں تعلیم حاصل کرنے پاکستان میں آئےہیں۔

پی ٹی آئی کی مذاکراتی ٹیم کی مذاکرات سے قبل عمران خان سے مشاورت

کمیٹی کے رکن اسلم گھمن نے سوال اٹھایاکہ افغانستان کے طلبہ کتنے ہمارے مدارس میں زیرتعلیم ہیں؟ ڈائریکٹر مذہبی تعلیم نےکہا میرے پاس ایسا کوئی ڈیٹا ابھی موجود نہیں ہے۔