مولانا فضل الرحمٰن کا پاکستان کی سیاست میں کردار قابل تعریف ہے : محسن نقوی
وفاقی وزیر داخلہ محسن نقوی کی جے یو آئی کے سربراہ مولانا فضل الرحمٰن سے ان کی رہائش گاہ پر ملاقات ہوئی۔ اس موقع پر محسن نقوی نے کہا کہ پاکستان کی سیاست میں مولانا فضل الرحمٰن کا مثبت کردار قابل تعریف ہے۔
وزیر داخلہ سینیٹر محسن نقوی نے مولانا فضل الرحمٰن کی صحت سے متعلق نیک خواہشات کا اظہار کیا، ملاقات کے موقع پر باہمی دلچسپی کے امور اور ملک کی مجموعی صورت حال پر بھی تبادلہ خیال کیا گیا۔
ملاقات میں خیبرپختونخوا خصوصاً کرم میں قیام امن کےلیے اقدامات پر بھی گفتگو کی گئی۔
محسن نقوی اور مولانا فضل الرحمٰن نے امدادی اشیا کے قافلوں کی پاراچنار آمد پر اظہار اطمینان کیا۔
عمران خان صحت کے معاملات پر کہیں اور منتقل ہوسکتے ہیں : رانا ثنا اللہ
سینیٹر محسن نقوی نے کہا کہ کرم میں قیام امن کےلیے تمام اسٹیک ہولڈرز کو اعتماد میں لیا ہے، بعض عناصر نے جان بوجھ کر کرم ایشو کو غلط رنگ دیا، صورت حال کی بہتری کےلیے گرینڈ جرگہ کی مخلصانہ کوششوں کو سراہتےہیں۔
انہوں نے کہاکہ مولانا فضل الرحمٰن سے دیرینہ نیاز مندی ہے، پاکستان کی سیاست میں ان کا مثبت کردار قابل تعریف ہے۔
