9 مئی کیس : عمر ایوب کے وارنٹ گرفتاری جاری

انسداد دہشت گردی عدالت نے 9 مئی توڑ پھوڑ کیس میں عدم پیشی پر قومی اسمبلی میں قائد حزب اختلاف عمر ایوب کے وارنٹ گرفتار جاری کردیے۔
سرگودھا کی انسداد دہشت گردی عدالت میں 9 مئی کو میانوالی میں ہنگامہ آرائی اور توڑ پھوڑ کیس کی جج محمد نعیم شیخ نے سماعت کی،کیس کے سماعت کے دوران عدالت کے اطراف میں سکیورٹی کے سخت انتظامات کیےگئے تھے۔
9 مئی کے کیس میں نامزد ملزمان پنجاب اسمبلی میں قائد حزب اختلاف احمد خان بھچر،صنم جاوید، عالیہ حمزہ،ایم این اے بلال اعجاز سمیت درجنوں کارکن عدالت میں پیش ہوئے، رہنما پی ٹی آئی عمر ایوب آج بھی عدالت میں پیش نہ ہوئے ، عمر ایوب کےوکلاء نے ان کا میڈیکل سرٹیفکیٹ عدالت میں پیش کیا ۔
عمر ایوب کی عدم پیشی پر عدالت نے برہمی کا اظہار کرتےہوئے ریمارکس میں کہاکہ عمر ایوب مسلسل تین پیشیوں پر عدالت میں نہیں آئے۔
عمر ایوب کی عدم پیشی کے باعث دیگر ملزمان پر بھی فرد جرم عائد نہ ہوسکی، عدالت نے عدم پیشی پر عمر ایوب کے وارنٹ گرفتاری جاری کردیے۔
عمران خان نے مذاکرات ختم کرنےکا کہہ دیا ہے : بیرسٹر گوہر
بعد ازاں عدالت نے 9 مئی کو میانوالی میں ہنگامہ آرائی اور توڑ پھوڑ کےکیس کی مزید سماعت 30 جنوری تک ملتوی کر دی۔