محسن نقوی نے وزیر اعظم کو چیمپئینز ٹرافی اور دورہ امریکا کے حوالے سے آگاہ کردیا
وفاقی وزیر داخلہ محسن نقوی نے وزیر اعظم شہباز شریف کو اپنے دورہ امریکا کے دوران ملاقاتوں اور چیمپئینز ٹرافی کے انعقاد کی تیاریوں پر بریفنگ دی۔
دورہ امریکا سے واپسی پر وفاقی وزیر داخلہ محسن نقوی نے وزیر اعظم محمد شہباز شریف سے ملاقات کی۔سینیٹر محسن نقوی نے وزیر اعظم کو اپنے حالیہ دورہ امریکا اور اس دوران اہم امریکی حکام،کاروباری برادری اور سرمایہ کاروں سے ملاقاتوں کےحوالے سے آگاہ کیا۔
چیئرمین پی سی بی محسن نقوی نے ملاقات کے دوران وزیر اعظم کو چیمپئینز ٹرافی کے انعقاد کی تیاریوں سے بھی آگاہ کیا،جس پر وزیر اعظم شہباز شریف نے محسن نقوی سمیت بورڈ کی پوری ٹیم کی کاوشوں کو سراہا۔
وزیر داخلہ محسن نقوی نے وزیر اعظم کو اسلام آباد میں جاری ترقیاتی کاموں پر پیش رفت سے بھی آگاہ کیا جس پر وزیر اعظم نے کام کی رفتار کو سراہا اور ٹیم کو بروقت کام مکمل کرنےپر مبارک باد دی۔
جی ایس پی پلس اسٹیٹس اظہار رائے کی آزادی سے مشروط ہے : سفیر یورپی یونین
ملاقات میں سینیٹر محسن نقوی نے وزیر اعظم شہباز شریف کو انسانی اسمگلنگ میں ملوث گروہوں کےخلاف آپریشن پر پیش رفت اور تفصیلات سے بھی آگاہ کیا جب کہ وزیر داخلہ محسن نقوی نے ملکی امن و امان کی صورت حال پر بھی وزیر اعظم شہباز شریف کو بریفنگ دی۔
