سلامتی کونسل کی غیرمستقل رکنیت پاکستان کےلیے اعزاز ہے : اسحٰق ڈار

1 جنوری, 2025

Non-permanent membership of Security Council is an honor for Pakistan: Ishaq Dar

وزیر خارجہ اسحٰق ڈار کا کہنا ہےکہ سلامتی کونسل کی غیرمستقل رکنیت پاکستان کےلیے اعزاز ہے، عالمی امن اور سکیورٹی کےلیے پاکستان اپنا کردار ادا کرتا رہےگا۔

اسلام آباد میں سفیروں سے خطاب کرتے ہوئے وزیر خارجہ اسحٰق ڈار نے کہاکہ سلامتی کونسل کی غیرمستقل رکنیت پاکستان کےلیے اعزاز ہے،اقوامِ متحدہ کے ممبر ممالک کا شکر گزار ہوں۔

وزیر خارجہ اسحٰق ڈار نے کہاکہ پاکستان یو این چارٹر کی پاسداری کےلیے پرعزم ہے،غزہ میں انسانی حقوق کی صورت حال انتہائی سنگین ہے،کشمیر کا مسئلہ اقوام متحدہ کی قراردادوں کے مطابق حل ہونا چاہیے۔

اسحٰق ڈار نے کہاکہ دنیا کو بہت سے چیلنجز کا سامنا ہے،دنیا اس وقت مسائل اور چیلنجز کے دہانےپر کھڑی ہے،پاکستان ایک ذمے دار ملک ہے۔