ہمارا عدالتوں پر سے اعتماد اٹھ گیا، بشریٰ بی بی کا جج سے مکالمہ

عمران خان کی اہلیہ بشریٰ بی بی نے عدالت میں جج سے مکالمہ کرتےہوئے کہاکہ ہمارا عدالتوں پر سے اعتماد اٹھ گیا ہے۔
ڈی چوک احتجاج کیس میں عبوری ضمانتیں منظور ہونے کےبعد انسداد دہشت گردی عدالت اسلام آباد کے جج طاہر عبسا سپرا اور بشریٰ بی بی کےدرمیان مکالمہ ہوا۔
جج طاہر عباس سپرا نے کہاکہ تھوڑا وقت لگ گیا لیکن قانونی ضابطےپورے کیے۔
جس پر بشریٰ بی بی نے کہاکہ نہیں کوئی بات نہیں ہمارا عدالتوں سے اعتماد اٹھ گیاہے۔
جج طاہرعباس سپرا نے کہاکہ ایسا نہیں ہے ہر جگہ سے ٹرسٹ نہیں اٹھا،جسٹس سسٹم جیسا بھی چل رہاہے اگر ختم ہو گیا تو سوسائٹی ختم ہوجائےگی۔
جج طاہرعباس سپرا نے کہاکہ آپ میرےپاس کچہری میں بھی پیش ہوتی رہی ہیں۔
بشریٰ بی بی نے کہاکہ عمران خان اور ہمارے ساتھ جو ہوا اس کےبعد قانون سے یقین ختم ہوگیا، ٹرائل کے دوران میں نے ججز کو بیمار ہوتا دیکھا ہے،ایک جج صاحب کا بلڈ پریشر 200 پر گیا لیکن انہوں نےہمیں سزا سنانی تھی اور وہ سنائی، ملک میں قانون ہےلیکن انصاف نہیں۔
ڈی چوک احتجاج : بشریٰ بی بی کی ضمانت میں توسیع
جج طاہرعباس سپرا نے کہاکہ ہم سب نےمل کر ملک کےلیے ساتھ چلنا ہے۔
جج نے بشریٰ بی بی کو ہدایت کی کہ آپ تمام مقدمات میں شامل تفتیش ہوجائیں۔