پہلگام واقعہ : بھارتی اقدامات غیر دانشمندانہ ہیں، خواجہ سعد رفیق

مرکزی رہنما مسلم لیگ ن خواجہ سعد رفیق کاکہنا ہےکہ مقبوضہ کشمیر میں بھارتی فورسز مسلسل ریاستی دہشت گردی میں مصروف ہیں، بھارتی قیادت ہوش کے ناخن لے،بھارتی اقدامات غیردانشمندانہ ہیں۔

سابق وفاقی وزیر و رہنما مسلم لیگ ن خواجہ سعد رفیق نے کہا ہے کہ بھارت کی طویل عرصے سے کوشش تھی کہ سندھ طاس معاہدے کو منسوخ کر دے۔سندھ طاس معاہدے میں واضح لکھا ہےکہ کوئی فریق یکطرفہ طور پر معاہدہ منسوخ نہیں کرسکتا۔

خواجہ سعد رفیق کاکہنا تھاکہ سندھ طاس معاہدے کو چھیڑ کر بھارت نے خطے میں کشیدگی کو ہوادی ہے۔

لیگی رہنما کا کہنا ہےکہ مقبوضہ کشمیر میں بھارتی فورسز مسلسل ریاستی دہشت گردی میں مصروف ہیں،ایک دوسرےکی خودمختاری کا احترام لازم ہے۔

بھارت پاکستان پر بے بنیاد الزامات لگا کر اپنے جرائم کو چھپانا چاہتا ہے : صدر آزاد کشمیر

واضح رہےکہ بھارت نے پاکستان کےخلاف آبی جارحیت کرتےہوئے سندھ طاس معاہدہ فوری معطل کرنے کا اعلان کردیا ہے۔