وزیر اعظم شہباز شریف کا پرنس کریم آغا خان کے انتقال پر تعزیت کا اظہار

وزیر اعظم شہباز شریف کا اسماعیلی برادری کے روحانی پیشوا پرنس کریم آغا خان کے انتقال پر تعزیت کا اظہار کرتے ہوئے کہنا تھا کہ میں پرنس کریم آغا خان کے انتقال پر اسماعیلی برادری کے غم میں برابر کا شریک ہوں۔

وزیر اعظم شہباز شریف نے کہا کہ پرنس کریم آغا خان ایک قابل رہنما تھے جن کی زندگی دنیا بھر میں مختلف برادریوں کی فلاح کےلیے وقف تھی،انہوں نے غربت کے خاتمے،پسماندہ افراد کی حمایت،صحت اور صنفی مساوات کےلیے انتھک کوشش کی۔

شہباز شریف کا کہنا ہےکہ وہ ضرورت مندوں کےلیے امید کی کرن تھے،انہوں نے بےشمار زندگیوں پر ان مٹ نقوش چھوڑے ہیں۔

اسماعیلی برادری کے روحانی پیشوا پرنس کریم آغا خان کی زندگی پر ایک نظر

واضح رہےکہ اسماعیلی برادری کے روحانی پیشوا پرنس کریم آغا خان 88 برس کی عمر میں انتقال کر گئے ہیں۔

برطانوی میڈیا کےمطابق پرنس کریم آغا خان کا انتقال پرتگال کےدارالحکومت لزبن میں 4 فروری کو ہوا،مولانا شاہ کریم کی نماز جنازہ لزبن ہی میں ادا کیےجانے کا اعلان کیاگیا ہے تاہم تدفین کےمقام کا اعلان فی الحال نہیں کیا گیا۔