وزیر اعظم کی یوٹیلٹی اسٹورز کے بغیر رمضان پیکج لانےکی ہدایت
وزیر اعظم شہباز شریف نے کہا ہے کہ گزشتہ سال رمضان میں یوٹیلٹی اسٹورز کے حوالے سے بےپناہ شکایات تھیں جس کا حل یہ نکالا ہےکہ مائنس یوٹیلٹی اسٹور رمضان پیکج لایاجائے۔
وفاقی کابینہ کے اجلاس سے خطاب کرتےہوئے وزیر اعظم شہباز شریف نے کہاکہ جنوری میں ماہانہ مہنگائی کی شرح 9 سال کی کم ترین سطح 2.4 فیصد پر آگئی ہے، سعودی عرب نےبھی ایک سال کی مؤخر ادائیگی پر 1.2 ارب ڈالر کا تیل درآمد کرنےکی سہولت فراہم کر دی ہے۔
وزیر اعظم نے کہاکہ رمضان کی آمد آمد ہے،اس حوالے سے وزارت فوڈ سکیورٹی کو یوٹیلٹی اسٹورز کے بغیر رمضان پیکج لانےکی ہدایت کردی ہے تاکہ کرپشن اور خراب مال کی فروخت نہ ہو۔
وزیر اعظم نے کہاکہ میں نے کئی ماہ پہلے کہا تھاکہ یوٹیلٹی اسٹورز کے ساتھ اب یہ معاملہ نہیں چل سکتا، وزیر اعظم نے کہاکہ گزشتہ سال رمضان میں یوٹیلٹی اسٹورز کے حوالے سے بےپناہ شکایات تھیں جس کا حل یہ نکالا ہےکہ مائنس یوٹیلٹی اسٹور رمضان پیکج لایاجائے۔
وزیر اعظم نے جمرود میں انسداد پولیو ٹیم پر حملے پر افسوس کا اظہار کرتےہوئے شہید اہلکار کےلیے فاتحہ خوانی کروائی۔
وزیر اعظم نے کہاکہ جنوری 2024 میں مہنگائی کی شرح 28.73 فیصد تھی،دسمبر 2024 میں مہنگائی 4.1 فیصد تک کم ہوئی،مہنگائی کی شرح کا بتدریج کم ہوناخوش آئندہ ہے۔
شہباز شریف نےکہا کہ اب پوری کاوش ہےکہ ہم معاشی ترقی کی طرف بڑھیں، اس کےلیے تمام متعلقہ وزارتوں کی پوری توجہ ہونی چاہیے،اسی حوالے سے ہم آگے بڑھیں گے اور یہی ہمارے لیے چیلنج ہےکہ معاشی نمو کو کس طرح بڑھایاجائے۔
وزیر اعظم نے کہاکہ سعودی عرب سے مؤخر ادائیگی پر تیل درآمد کرنےکی سہولت دسمبر 2023 میں ختم ہوگئی تھی،سعودی ولی عہد کی ہدایت پر ایک وفد نےکل پاکستان کا دورہ کیا ہے اور تیل کی درآمد پر ایک سال کےلیے 1.2 ارب ڈالر کی موخر ادائیگی کی سہولت فراہم کر دی ہے۔
وزیر اعظم نے کہاکہ سعودی سہولت کے نتیجےمیں ہمارے زرمبادلہ کےذخائر کو تقویت ملے گی،اب حوصلہ ملنا چاہیےاور سرمایہ کاری لانی چاہیے۔
وزیر اعظم نے کہاکہ سعودی ڈیولپمنٹ فنڈ نے ہزارہ ڈویژن کےلیے 4کروڑ 10 لاکھ ڈالر کے آبی منصوبے کی منظوری بھی دےدی ہے،اس کے علاوہ ایس ایف ڈی فنڈ کی 4 کروڑ ڈالر کی گرانٹ سے کنگ سلمان اسپتال بنایا جائےگا۔
وزیر اعظم نے مزید کہاکہ کل 5 فروری کو پوری قوم ملی جوش و جذبے سے یوم یکجہتی کشمیر منائےگا اور پورا پاکستان مقبوضہ کشمیر میں کشمیری عوام کی تحریک آزادی سےاظہار یکجہتی کرےگا۔
سویلینز ملٹری ٹرائل : آرمی ایکٹ کے مطابق فوجی عدالتوں کے اختیارات ہیں کیا؟جسٹس جمال مندوخیل
شہباز شریف نے مزید کہاکہ کل سندھ اور بلوچستان میں زرعی ٹیکس کا قانون منظور کر لیا ہے،اب چاروں صوبوں نے آئی ایم ایف کا مطالبہ پورا کر دیا ہے، وزیر اعظم نے زرعی ٹیکس سے متعلق قانون سازی کرنے پر صدر زرداری،چیئرمین بلاول بھٹو زرداری اور چاروں صوبوں کے وزرائے اعلیٰ کا شکریہ ادا کیا۔
