معاملات بہتر انداز میں چلانے کےلیے صوبے چھوٹے ہونے چاہییں : وزیراعلیٰ خیبرپختونخوا
وزیراعلیٰ خیبرپختونخوا علی امین گنڈاپور نے واضح کیا ہےکہ انتظامی معاملات کو بہتر اور موثر انداز میں چلانے کےلیے صوبے اور انتظامی یونٹس چھوٹے ہونے چاہییں۔
ینگ پارلیمنٹیرینز فورم کے نمائندہ وفد سے ملاقات کے دوران وزیر اعلیٰ خیبرپختونخوا علی امین گنڈاپور نے صوبوں اور دیگر انتظامی یونٹس کے حجم کے بڑےہونے کو مسئلہ قرار دےدیا۔
وفد میں مختلف سیاسی جماعتوں اور صوبوں سے تعلق رکھنےوالے ینگ پارلیمنٹیرینز شامل تھے۔
ملاقات میں ملکی سیاسی صورت حال اور قومی مفاد کےمختلف امور پر تبادلہ خیال کیاگیا،ملک میں امن،ترقی اور بہتر سیاسی ماحول کےلیے مل جل کر کام کرنےپر اتفاق ہوا۔
ینگ پارلیمنٹیرینز فورم کے وفد سے گفتگو میں وزیر اعلی کا کہنا تھاکہ ملک میں صوبوں اور دیگر انتظامی یونٹس کے حجم کا بڑا ہونا ایک مسئلہ ہے،انتظامی معاملات کو بہتر اور موثر انداز میں چلانے کےلیے صوبے اور انتظامی یونٹس چھوٹے ہونےچاہیے۔
انہوں نےکہا کہ صوبے اور انتظامی یونٹس چھوٹے ہونےسے نچلی سطح پر سروس ڈیلیوری میں خاطر خواہ بہتری آئےگی اور 90 فیصد انتظامی مسائل حل مقامی سطح پر حل ہوں گے۔
علی امین گنڈا پور نےکہا کہ خیبرپختونخوا میں 800 میگاواٹ پن بجلی منصوبوں پر کام جاری ہے،پن بجلی کے استعداد کےموثر استعمال کےلیے صوبائی حکومت اپنی ٹرانسمیشن لائن بچھارہی ہے۔
ان کاکہنا تھاکہ دہشت گردی کے خلاف جنگ میں صوبے خصوصا ضم اضلاع کے عوام نے بے انتہا قربانیاں دی ہیں،وار آن ٹیرر اور ضم اضلاع کے انفراسٹرکچر کی بحالی کےلیے وفاق سے شئیرز کم مل رہے ہیں۔
حکومت یا کسی خلائی مخلوق کے ساتھ کوئی رابطہ نہیں ہوا، عمر ایوب
وزیر اعلیٰ خیبرپختونخوا نے کہاکہ اداروں کو مالی طور اپنے پاؤں پر کھڑا کرنے کےلیے صوبائی حکومت نے 50 ارب کی لاگت سے ڈیبٹ منیجمنٹ فنڈ قائم کیا۔
