پی ٹی آئی لاشوں پر جھوٹ پھیلاکر ریاست کو بدنام کررہی ہے : عطا اللہ تارڑ

وفاقی وزیر اطلاعات عطا اللہ تارڑ کا کہنا ہے کہ پی ٹی آئی لاشوں پر جھوٹ پھیلا کر ریاست کو بدنام کررہی ہے۔

وزیر اطلاعات عطا اللہ تارڑ کاکہا تھا کہ ایک بھی لاش نہیں ہے،اگر ہوتی تو سامنے آجاتی، کوئی کہتا ہے 4 ہزار لاشیں ہیں،کوئی کہہ رہا ہے 400 لاشیں ہیں،کوئی کہہ رہا ہے 160 لاشیں ہیں،لاشیں نہ ہوئیں پودےہوگئے جو جگہ جگہ اگ رہے ہیں۔

عطا اللہ تارڑ نے کہا کہ مہنگائی 78 ماہ کی کم ترین سطح پر آگئی،معیشت ترقی کر نہیں رہی،ترقی کر چکی ہے

انہوں نےکہا کہ اسٹاک مارکیٹ میں تیزی سے اضافہ ہو رہا ہے،انڈیکس ایک لاکھ پوائنٹس سے تجاوز کر چکا ہے،بیرون ممالک سے بھی انویسٹمنٹ آرہی ہے، مہنگائی 78 ماہ کی کم ترین سطح پر آگئی ہے،یہ ترقی نہیں تو اور ایک کیاہے۔

وزیر اطلاعات نےکہاکہ ملک ترقی کر نہیں رہا، ملک ترقی کر چکا ہے،ملک ڈیفالٹ کے دہانے پر تھا، ہم یہاں تک لائے۔

عطا اللہ تارڑ نے پی ٹی آئی کی جانب سے مبینہ طور پر پھیلائی جانے والی فیک ویڈیوز دکھاتےہوئے کہاکہ یہ کہہ رہےہیں ہم پر گولیاں چلائی گئیں،یہ گولی چلانے کا نہیں بلکہ گولی کرانے کا بیانیہ ہے،یہ سکیورٹی فورسز کو خود نشانہ بناتے ہیں،یہ نوسزبازی کرتے ہیں‘۔

انہوں نے اسلام آباد میں احتجاج کے دوران مبینہ طور پر رینجرز کی جانب سے کنٹینر سے گرائےگئے شہری کا حوالہ دیتےہوئے کہاکہ مذکورہ شخص منڈی بہاالدین کا رہائشی اور زندہ ہے، لیکن اس کی موت کا دعویٰ کیا گیا۔

وفاقی وزیر اطلاعات عطا اللہ تارڑ نے کہا کہ یہ کہتے ہیں کہ کنٹینر پر نماز پڑھنے والے کو گرادیا، کنٹینر نماز پڑھنے کی جگہ نہیں، نماز پڑھنےکےلیےاسلام آباد میں بہت مساجد ہیں۔

عطا اللہ تارڑ نے کہا کہ یہ وہ لوگ ہیں جو جھوٹ پر ریاست کو بدنام کرتےہیں،ریاست مخالف بیانیہ چلایا جا رہا ہے،کوئی کہتا ہے 4 ہزار لاشیں ہیں، کوئی کہہ رہا ہے 400 لاشیں ہیں،کوئی کہہ رہاہے 160 لاشیں ہیں،لطیف کھوسہ نے کہاکہ ان کےگھر پر سو ڈیڑھ سو لاشیں موجود ہیں۔

انہوں نےکہا کہ لاشیں نہ ہوئیں پودےہوگئے جو جگہ جگہ اگ رہےہیں،قوم کے ساتھ کس طرح کا مذاق کیا جا رہا ہے،پارٹی چیئرمین بیرسٹر گوہر کہہ رہے ہیں کہ سب بیانیے غلط ہیں ،12 لاشیں تھیں،اب 4 ہزار کو صحیح مانا جائے یا 400 کو۔

وزیر اطلاعات نے طنزیہ انداز میں کہاکہ ایک بھی لاش نہیں ہے،اگر ہوتی تو سامنےآجاتی،ایسی چیزیں چھپی نہیں رہتیں،یہ اس طرح کی لاشیں ہیں جو ٹک ٹاک، فیس بک،ایکس،واٹس ایپ اور دوسرے سوشل میڈیا نیٹ ورکس پر موجود ہیں۔

عطا اللہ تارڑ نےکہا کہ قوم کی بد قسمتی ہےکہ عقل سمجھ اور فہم سے عاری افراد بھی سیاسی جماعتیں بنا لیتے ہیں۔

انہوں نےکہاکہ پی ٹی آئی نے ابھی تک رینجرز اور پولیس کے 4 شہید اہلکاروں کے حوالے سےمذمتی بیان نہیں آیا ہے،انہوں نے متاثرہ خانداروں سے اظہار افسوس اور اظہار ہمدردی تک نہیں کیا۔

انہوں نے کہا کہ دنیا کےمہذب ملکوں میں کوئی کلاشنکوف،غلیلیں، بنٹے،آنسو گیس کے شیل،دستی بم اور اسٹین گنوں کےساتھ آئے تو احتجاج کی اجازت نہیں دی جاتی،5 منٹ میں اندر کیا جاتا ہے۔

عطا اللہ تارڑ نے واشنگٹن اور لندن میں بیٹھ کر آوازیں اٹھانےوالے بتائیں کیا وائٹ ہاؤس یا ٹین ڈاؤننگ اسٹریٹ کےاس قسم کے ہتھیاروں سے لیس مظاہرین کو احتجاج کی اجازت دی جائےگی؟

دہشت گرد گروپوں کے سوشل میڈیا اکاؤنٹس بلاک کرنے کا فیصلہ

انہوں نےکہاکہ یہ پرامن مظاہرین نہیں تھے،یہ جدید اسلحےسے لیس جتھا تھا جو یہاں دھاوا بولناچاہتا تھا،کیونکہ لوگ نہ ہونے کےباعث یہ بری طرح ناکام ہوئے ہیں اس لیےاب شرمندگی چھپانے کےلیے لاشوں کےپیچھے چھپ رہے ہیں۔

وزیر اطلاعات نےکہا کہ پی ٹی آئی میں آپس میں نوک جھونک چل رہی ہے،کبھی بشریٰ بی بی علی امین سے لڑرہی ہیں اور علی امین بشریٰ بی بی سے لڑ رہے ہیں، 6، 7 گروپ بن گئےہیں اور سب ایک دوسرے سےدست و گریبان ہیں۔

انہوں نےکہاکہ بیرسٹر سیف نے گزشتہ دنوں میری پریس کانفرنس کاجواب دیا، ان سےکہوں گا مجھے چپ ہی رہنے دیں،بہت ساری باتیں ایسی ہیں جو صرف آپ اور میں ہی جانتے ہیں،اگر میں نے وہ باتیں قوم کو بتادیں تو آپ خیبرپختونخوا حکومت کےترجمان نہیں رہ سکیں گے۔