پی ٹی آئی تحریری مطالبات اس لیے نہیں دے رہی کہ ان کی نیت میں فتور ہے : خواجہ آصف
وزیر دفاع خواجہ آصف کا کہنا ہے کہ پی ٹی آئی تحریری مطالبات اس لیے نہیں دے رہی کہ ان کی نیت میں فتور ہے۔
سینئر رہنما مسلم لیگ ن خواجہ آصف کا کہنا ہے کہ پی ٹی آئی کے رہنماؤں نے کہا ہےکہ وہ تحریری مطالبات پیش نہیں کریں گے اور زبانی کلامی بات کرنا چاہیں گے۔میرے خیال میں پی ٹی آئی والے ایسا اس لیے کر رہے ہیں کہ کل اگر خدانخواستہ مذاکرات ناکام ہوتےہیں تو ان کے انکار کی پالیسی سیو رہے کہ ہم نے یہ تو نہیں کہا تھا۔
لیگی رہنما نے کہاکہ اگر پی ٹی آئی والے تحریری مطالبات دےدیں گے تو پھر تو ایک ثبوت ہوجائے گا کہ انہوں نے یہ فیورز مانگی تھیں اور مذاکرات ان نکات کے اوپر کیے تھے،اس سے ان کی نیت کا فتور سامنے نظر آرہا ہے۔
خواجہ آصف نے کہاکہ اگر پی ٹی آئی والے مذاکرات جاری رکھنا چاہتےہیں اور 4 کے بجائے 2 مطالبات رکھناچاہتے ہیں تو وہ تحریری طور پر پیش کر دیں،مذاکرات کی دو میٹنگز ہوچکی ہیں اگر یہ لوگ اپنے مطالبات تحریری طور پر دےدیتے تو آج مذاکرات آگے بڑھ چکے ہوتے اور اس حوالے سے قیاس آرائیاں نہ ہو رہی ہوتیں اور ایک مستند سی صورت حال سامنے آئی ہوتی۔
عمران خان کی ایگزیکٹو آرڈر کے ذریعے رہائی کے معاملے پر خواجہ آصف نے کہا کہ اس بات کا انہیں علم نہیں ہے کیوں کہ وہ براہ راست مذاکرات میں شریک نہیں ہیں۔مجھے براہ راست معلوم نہیں ہوتاکہ مذاکرات میں کیا باتیں ہو رہی ہیں، لیکن میں کہنا چاہوں گاکہ مذاکرات ایک اچھا آغاز ہے،میں نے قومی اسمبلی میں بھی یہ بات کہی،حالانکہ مجھے مذاکرات کا مخالف سمجھا جاتا ہے لیکن میں سمجھتا ہوں کہ ہرحال میں مذاکرات ہونےچاہیں،یہ عمل رکنا نہیں چاہیے،جتنے بھی حالات منفی ہوں،مذاکرات جاری رہنےچاہیں کوئی نہ کوئی راستہ نکل آتا ہے۔
انہوں نےکہاکہ اگر بات چیت کے راستے بند ہوجائیں تو مایوس کن ہوتی ہے، صورت حال سنبھلتی نہیں،میں مذاکرات کا حامی ہوں لیکن اگر آپ جو بات زبانی کہہ رہے ہیں اور میڈیا پہ کہہ رہےہیں،لیکن آپ وہی چیز تحریری طور پر کیوں نہیں دےرہے، کیا تعمل ہے آپ کو سوائے اس کے کہ آپ کی نیت میں کوئی نہ کوئی فتور ضرور ہے،بڑے کلیئر مذاکرات ہو رہے ہیں، یرسٹر گوہر اور دیگر پی ٹی آئی رہنما بھی اس پر بڑا واضح کمنٹ کرتے رہے ہیں،یہ مذاکرات کامیاب ہوجانےچاہیں ورنہ ساری چیزیں جوڑی جا رہی ہیں 20 جنوری سےکہ ڈونلڈ ٹرمپ کے حلف اٹھائیں گے تو ہمیں امریکا اور برطانیہ سے امداد ملےگی،پی ٹی آئی وال یہ کہہ رہے ہیں۔
کرم امن معاہدے پر دستخط نہ کرنے والے عمائدین گرفتار، امدادی قافلہ روانہ نہ ہوسکا
ان کاکہنا تھاکہ پی ٹی آئی کے امریکا میں بیٹھے لوگ اس کے بدلے کیا سودے بازی کر رہے ہیں،وہ ملک کے ایٹمی اثاثوں کی سودے بازی کر رہے ہیں،وہ لازمی طور پر کچھ کر رہے ہیں،میرے خیال میں 20 جنوری سے قبل مذاکرات میں کوئی ٹھوس پیشرفت نہیں ہوگی، 20 جنوری کےبعد کے حالات کو مد نظر رکھ کر یہ مذاکرات جاری رکھیں گے۔
وزیر دفاع خواجہ آصف کا کہنا تھاکہ امریکا میں پی ٹی آئی کے حمایتیوں نے پوری طرح الیکشن میں حصہ لیا،جب عمران خان جیل سےباہر تھے انہوں نے سوائے گالی دینے کے امریکا کو باقی سب کچھ کہا،آج آپ کو نظر آتا ہےکہ وہ کس طرح امریکا سے امیدیں لگائے بیٹھےہیں، پی ٹی آئی حکومت میں واپس آنے کےلیے سب کچھ کر رہی ہے،پارا چنار میں دیکھیں کہ پچھلے 4 ماہ سے کیا صورت حال تھی لیکن وزیر اعلیٰ علی امین گنڈاپور بار بار اسلام آباد پہ حملہ آور ہورہےتھے،ان کو پارا چنار میں تخریب کاروں پہ حملہ آور ہوناچاہیے تھا،آپ کو صوبے کے حالات ٹھیک کرنے چاہیں تھے۔
