بشریٰ بی بی کی بہن اور مشعال یوسفزئی کے بیانات پر پی ٹی آئی قیادت کو تحفظات ہیں : شیر افضل مروت

رہنما پی ٹی آئی شیر افضل مروت کا کہنا ہے کہ بشریٰ بی بی کی بہن مریم ریاض وٹو اور ان کی ترجمان مشعال یوسفزئی کے بیانات پر پی ٹی آئی قیادت نے تحفظات کا اظہار کردیا ہے۔

پی ٹی آئی رہنما شیر افضل مروت نےکہا کہ بشریٰ بی بی کی بہن اور ترجمان کی طرف سےجو بیانیہ آ رہا ہےاس پر پارٹی قیادت کے سنجیدہ تحفظات ہیں۔

شیر افضل مروت نےدعویٰ کیاکہ پی ٹی آئی کے کچھ لوگوں کے تانے بانے ایجنسیوں کے سابق کارندوں سے ملتےہیں،جو پارٹی میں تقسیم پیدا کررہے ہیں۔جو زبان استعمال ہورہی ہے اس سے قیادت میں بہت مایوسی اور بےبسی پھیل رہی ہے، ہر وقت کے طعنے،شکوے اور الزامات لوگوں کا حوصلہ توڑرہے ہیں۔

انہوں نےکہاکہ ان بیانات پر عمران خان کو مداخلت کرنی چاہیےاور ان چیزوں کو روکناچاہیے،قاسم سوری نےجو باتیں کیں،یہ وقت ان باتوں کا نہیں۔

شیر افضل مروت نےکہا کہ ہمیں ڈرنے اور دبکنے کےبجائے فوری طور پر پورے ملک میں احتجاج کی کال دینی چاہیےتھی اور دوبارہ اسلام آباد جانا چاہیےتھا۔

خیال رہےکہ بشریٰ بی بی کی ترجمان مشعال یوسفزئی اور ان کی بہن مریم ریاض وٹو نے دعویٰ کیا ہےکہ عمران خان کو اپنی پارٹی کے ’کمپرومائزڈ‘ لیڈرز سےزیادہ بشریٰ بی بی پر اعتماد ہے۔

بشریٰ بی بی کی معاونین نےکہا کہ پارٹی رہنما، عمران خان کی ہدایات پر پوری طرح عمل نہیں کرتےجس کے سبب بشریٰ بی بی کو عملی میدان میں آگےلایا گیا، فائنل کال کےاحتجاج والےدن بھی بشریٰ بی بی نے صرف عمران خان کی ہدایت اور ان کے مفاد کےلیے کام کیا۔

پاکستان اورسعودی عرب کےمابین7معاہدوں کو حتمی شکل دیدی گئی

بشریٰ بی بی بہن مریم ریاض وٹو نے الزام عائد کیا تھا کہ عمران خان کے قریبی ساتھیوں کا کردار مشکوک ہے،لگتا ہےکہ اپنے فائدے کےلیے دونوں طرف کھیل رہے ہیں، بشریٰ بی بی پر احتجاج کےدوران اسلام آباد کے مرکز جانے سے روکنے کےلیے دباؤ ڈالاگیا۔