پی ٹی آئی شاید اب کبھی بھی احتجاج کی کال نہ دے سکے  : رانا ثنا اللہ

وزیر اعظم کے مشیر رانا ثنا اللہ نے پی ٹی آئی کو تنقید کا نشانہ بناتے ہوئے کہا ہےکہ پی ٹی آئی نے ہمیشہ ریاست کے خلاف پروپیگنڈا کیا،اس کی قیادت معصوم لوگوں کو  ورغلاکر احتجاج میں لائی۔ پی ٹی آئی شاید اب کبھی بھی احتجاج کی کال نہ دے سکے۔

مسلم لیگ ن کے سینئر رہنما رانا ثنا اللہ نے کہاکہ پختونوں سے متعلق پی ٹی آئی پروپیگنڈا کررہی ہے، احتجاج کےدوران خیبرپختونخوا سے 15 سے 20 ہزار کے قریب مسلح لوگ اسلام آباد لائےگئے، جو لوگ گمراہ کرکے خیبرپختونخوا سے مسلح جتھے لائے ،وہ ذمہ دار ہیں۔

سینئر رہنما مسلم لیگ ن رانا ثنا اللہ کاکہنا تھاکہ احتجاج کے دوران قانون نافذ کرنے والے اداروں کے ڈھائی سو کے قریب اہلکار زخمی ہوئے،سیدھی گولیاں پی ٹی آئی والوں نے ماری ہیں،جو لوگ پورے معاشرےکو تکلیف دیتےہیں ان کا بھی احتساب ہونا چاہیے۔

گنڈاپور کا اسلام آباد احتجاج کے دوران گرفتار مظاہرین کی رہائی کےلیے وزیر اعظم کو خط

رانا ثنا اللہ نے کہا کہ احتجاج سے متعلق پی ٹی آئی کا کوئی انتظام نہیں تھا، وہاں ان کا رکنا مشکل تھا، پی ٹی آئی کی قیادت معصوم لوگوں کو ورغلاکر احتجاج میں لائی۔

ان کاکہنا تھاکہ پی ٹی آئی اب اتنی جلدی دوبارہ احتجاج کی پوزیشن میں نہیں آئے گی، شاید اب پی ٹی آئی کبھی بھی احتجاج کی کال نہ دے سکے، ہم  پہلےبھی ان کے ساتھ مذاکرات کیلئے تیار تھے،آج بھی ہیں،وزیر اعظم نے ان کو مذاکرات کی دعوت دی لیکن انہوں نےانکار کیا۔