پنجاب حکومت گرفتار سینیٹرز کو پیش کرے ورنہ اجلاس کی صدارت نہیں کروں گا : یوسف رضا گیلانی
چیئرمین سینیٹ یوسف رضا گیلانی نے حکومت پنجاب کو متنبہ کرتے ہوئے کہا ہے کہ پنجاب حکومت گرفتار سینیٹرز کو پیش کرے ورنہ کل احتجاجاً اجلاس کی صدارت نہیں کروں گا۔
میڈیا سے گفتگو کرتے ہوئے چیئرمین سینیٹ یوسف رضا گیلانی کا کہنا تھا کہ مجھ پر جس حکومت میں کیس بنا آج ہم اس کے اتحادی ہیں، میرےخلاف گواہی دینےوالا آج ملزم بن گیا۔
یوسف رضا گیلانی نے کہاکہ پنجاب حکومت گرفتار سینیٹر کو پیش کرے، گرفتار سینیٹر کو کل پیش نہ کیا تو احتجاجاً اجلاس کی صدارت نہیں کروں گا، ہمیشہ قوانین کے مطابق ذمہ داریاں ادا کیں۔
قبل ازیں کراچی کی وفاقی اینٹی کرپشن عدالت میں چیئرمین سینیٹ یوسف رضا گیلانی کی ٹڈاپ کرپشن اسکینڈل کے 3 مقدمات میں بریت کی درخواستوں پر سماعت ہوئی۔
عدالت نے یوسف رضا گیلانی کی تینوں مقدمات میں بریت کی درخواست منظور کرتےہوئے انہیں بری کرنے کا حکم دےدیا۔
واضح رہےکہ پنجاب پولیس نے گزشتہ روز پی ٹی آئی کے سینیٹر عون عباس بپی کو غیر قانونی شکار کے مقدمے میں گرفتار کیاتھا، چیئرمین سینیٹ یوسف رضا گیلانی کی جانب سے گزشتہ روز پروڈکشن آرڈر جاری کیے جانے کے باوجود پنجاب حکومت نے انہیں سینیٹ اجلاس میں پیش نہیں کیاتھا۔
عمران خان سے ملاقات نہ کروانے پر اسلام آباد ہائی کورٹ میں توہین عدالت کی درخواست دائر
یاد رہےکہ چیئرمین سینیٹ یوسف رضا گیلانی نے 9 مئی کے مقدمات میں گرفتار سینیٹر اعجاز چوہدری کے پروڈکشن آرڈر بھی جاری کر رکھے ہیں تاہم پنجاب حکومت انہیں سینیٹ اجلاس میں پیش کرنےسے انکاری ہے۔
