سلمان اکرم راجہ نے مجھے پارٹی سے گرایا : شیر افضل مروت

رکن قومی اسمبلی شیر افضل مروت کا کہنا ہے کہ پارٹی میں میری مقبولیت سے لوگ جیلس ہیں،سلمان اکرم راجہ اینڈ پارٹی نے مجھے پارٹی سے گرایا۔ پارٹی کو بھی نہیں پتا مجھے کیوں نکالا۔

حال ہی میں پی ٹی آئی سے نکالے جانے والے رہنما شیر افضل مروت کا کہنا ہےکہ صوابی جلسے میں عوام نے میرےساتھ محبت کا اظہار کیا۔

شیر افضل مروت نے کہاکہ مجھے پارٹی سے پہلی بار نہیں کم از کم تیسری بار نکالا گیا ہے،مجھے عمران خان نے نہیں نکالا،جیل میں عمران خان سے سیاسی ملاقاتیں میں نے شروع کروائیں،دوسری ملاقات کےبعد مجھے ہی ملاقاتوں سے باہر کردیا گیا۔

ان کاکہنا تھاکہ سلمان اکرم راجہ اینڈ پارٹی نے مجھے گرایا،پارٹی میں میری مقبولیت سے لوگ جیلس ہیں،جیل میں لوگ جا کر عمران خان کے کان بھرتےہیں،پارٹی کو بھی نہیں پتا مجھے کیوں نکالا۔

شیر افضل مروت نے کہاکہ پارٹی میں رہوں یا نہ رہوں،خان کےلیے کام کرتا رہوں گا،اچھا ہےاب ریلیکس ہوکر اپنا کام کروں گا۔

رکن قومی اسمبلی شیر افضل مروت کاکہنا تھاکہ 26 ویں ترمیم میں جنہوں نے ضمیر بیچا ان کو تو نہیں نکالا گیا،ہر ایم این ایز کو دو ارب آفر ہورہے تھے، مجھےبھی دو ارب کی آفر ہوئی تھی۔

شیر افضل مروت نے شکوہ کرتےہوئے کہاکہ میرے خلاف سازش ہوئی جس میں سیکرٹری جنرل کا بھی کردارتھا،مجھے نکالنے سے پہلےپارٹی کو میرا موقف سننا چاہیےتھا، میرا موقف سنے بغیر فیصلہ اندھیر نگری ہے،سنجیدگی سے سوچنا ہوگا کیا تحریک انصاف صحیح سمت میں جا رہی ہے۔

عمران کیخلاف مقدمات میں خزانے سےکتنا پیسا خرچ کیا گیا؟رائٹ ٹوانفارمیشن ایکٹ کے تحت درخواست دائر

ان کا کہنا تھا کہ بیرسٹر گوہر، علی محمد خان، علی امین گنڈا پور، شہریار آفریدی،اسد قیصر، شاندانہ گلزار کےخلاف بھی سازشیں ہورہی ہیں،موجودہ حالات میں کسی کا بھی مستقبل محفوظ نہیں ہے،میرے معاملے پر بیرسٹر گوہر کو بھی اعتماد میں نہیں لیا گیا، سوال یہ ہے یہ خبر عمران خان تک کس نے پہنچائی؟مجھے پتہ ہے کہ لاہور کےوکیل نے خبر پہنچائی ہے۔