سلمان اکرم راجہ نے شیر افضل مروت کے الزامات کا جواب دے دیا
پی ٹی آئی کے سیکریٹری جنرل سلمان اکرم راجہ نے پارٹی سے بے دخل رہنما شیر افضل مروت کے الزامات کا جواب دیتے ہوئے کہاکہ شیر افضل مروت کو پارٹی سے نکالنے کا فیصلہ عمران خان کا ہے۔
رکن قومی اسمبلی شیر افضل مروت کو پی ٹی آئی سے نکالنے اور ان کی جانب سے سلمان اکرم راجا پر لگائے جانے والے الزامات کا جواب دیتے ہوئے پی ٹی آئی کے سیکریٹری جنرل سلمان اکرم راجہ کا کہنا تھا کہ یہ عمران خان کا فیصلہ ہے اور وہ بغیر ٹھوس وجہ کے فیصلہ نہیں کرتے۔
انسداد دہشت گردی عدالت کے باہر میڈیا سے گفتگو کرتےہوئے سیکریٹری جنرل پی ٹی آئی سلمان اکرم راجہ نے کہاکہ پارٹی میں کوئی لڑائی نہیں،عمران خان کی قیادت میں سب متحد ہیں۔
ایک سوال کےجواب میں انہوں نے کہاکہ اختلافات کی خبریں محض میڈیا کی پیدا کردہ ہیں، جو معمولی باتوں کو بڑھا چڑھا کر پیش کرتا ہے۔
شیر افضل مروت کے ”مجھے کیوں نکالا؟“ والے سوال پر ردعمل دیتے ہوئے سلمان اکرم راجہ نےکہاکہ اس کا جواب وہ خود جانتے ہیں وہ بس معصومیت کا اظہار کر رہے ہیں۔
ان کاکہنا تھاکہ بیک ڈور رابطوں کے بارے میں مجھے کوئی علم نہیں۔ عمران خان کئی بار واضح کرچکے ہیں کہ وہ کسی ڈیل کے تحت باہر نہیں آئیں گے۔عمران خان کو بنی گالا جیسی پیش کشیں ہوئیں لیکن انہوں نے مسترد کردیں۔ عمران خان آئین و قانون کی بالادستی کےلیے جیل میں ہیں۔
سلمان اکرم راجہ نے مجھے پارٹی سے گرایا : شیر افضل مروت
سلمان اکرم راجہ نےکہا کہ اپوزیشن جماعتوں کے اتحاد پر خوشی ہے،پوری قوم بھی یہی چاہتی ہے۔کسی کو پارٹی بیانیہ کو نقصان پہنچانےکی اجازت نہیں،کوئی بڑا لیڈر ہےتو اپنی جماعت بنالے۔
